Shillong, Lber 04: U MLA ka BJP na Pynthorumkhrah Bah AL Hek u la pynpaw ba ka State Reservation Policy Meghalaya ka dei ban buh hakhmat eh ïa ki longïing kiba don haka thup below poverty line (BPL) bad kito ki longing ki bym don kiba treikam Sorkar.
“Nga pynkynmaw biang ia kaei kaba nga la pynpaw hapoh ka Iingdorbar, lada ki bishar bniah ia ka reservation policy, ki dei ban pynthikna ba kan kynthup ia ki longiing kiba don haka thup BPL, khamtam kito ki bym don napdeng jong ki dkhot ka iing kiba treikam sorkar” ong u Bah Hek.
“Hadien kata, la ka long 40‐40‐20, ngam don jingpyrshah. Ngan ieng ha ka nongrim jong nga, ka jingai bhah kan dei ban leit shaki longïing kiba duk ki bym pat ju ïoh kam sorkar. Ka sorkar ka dei ban ai jaka kyrpang ïa ki.”
U Bah Hek u la kam ba um shym la ïohi ïa ka kaiphod jong ka Committee namar u khlem wan shaka Ïingdorbar namar um don haka met kaba koit ba khiah.
“Lada ki pyrkhat ia kane ka mat, ai jaka kyrpang khnang ba kine ki longiing ruh kin ioh kam sorkar,” u la bynrap.
 bad kito ki longing ki bym don kiba treikam Sorkar.){kind=link}