Shillong, Lber 02 : Ki Pulit ka West Jaintia Hills kila ioh kem ia arngut ki nong Bangladesh bad uwei u trai shnong ba niah kali,ha ka jingiaid pahara ha ka miet sngi U Blei.
Kat kum ka jingiathuh u Superintendent of Police Jagpal Singh Dhanao, ia kine ki briew la ioh kem ha ka por 8:30 baje mynmiet na kawei ka kali Maruti S-Presso ML05-AG-7472.
Ki nong Bangladesh ba shah kem ki kyrteng u Monirul Biswa bad ka Lovely Khatun kiba dei na ka Shnong Bhombag, Narail, Khunla Division. Katba u trai shnong ba niah kali u kyrteng u Pynshaibha Khaii ba na Wahsarang, East Jaintia Hills.
U Dhanao u pyntip ba ia kine ki briew la register case hapoh ki kyndon ka Immigration and Foreigners Act, 2025. Tia kine ki briew yn sa ialam tian bishar hakhmat ka JMFC ha Amlarem.
