Shillong, Nailur 24 : U Myntri Rangbah ka Jylla Conrad K Sangma, hynne ka sngi thohdieng, ula pynurlong ia ka jingphohsniew jong ki paidbah ka South Garo Hills da kaba buh maw nongrim ban tei ia ki artylli ki project kiba la angnud la slem bha da ki paidbah.
Ka dei ruh ka sngi ba kmen ha Chokpot ha kaba ki nongshongshnong bapher bapher kila ialum lang ban sakhi ia ka sngi sah jingkynmaw halor ka jingbuh mawnongrim jong u Myntri Rangbah ia kine ki project.
Kine ki project ki kynthup ia ka jingshna ia ka Ophis thymmai bad ka Chokpot Sub-Division bad ban shna pynbha, pynheh bad siang rong noh ia ka surok na 12 Mile ba iaid lyngba ka Tura-Dalu sha Chokpot, kaba jngai kumba 35 Km.
With the vision to make all Districts especially those lacking behind at par with the rest in terms of development, improving grassroot governance is the key step.
The Chokpot Civil Sub Division Office will bring administration closer to the people of the area. pic.twitter.com/gPpmQJ6jhe
— Conrad Sangma (@SangmaConrad) September 24, 2022
Delivered good news to the people of Chokpot, South Garo Hills District by laying foundation for the improvement & widening of the 12th Mile Road to Chokpot at a cost of ₹50 Crores (approx).@nitin_gadkari @NABARDOnline pic.twitter.com/LpCy6XcS20
— Conrad Sangma (@SangmaConrad) September 24, 2022
Haba buh mawnongrim ia baroh artylli ki project ba kongsan, u Myntri Rangbah ula ong “Nga sngewkmen palat ba nga la lah ban pynurlong ia ka jingdawa ba slem bha jong ki paidbah ka Chokpot. Ka dei ka jingkular kaba kane ka Sorkar kala pyndep na ka bynta ki paidbah ka Jylla”.
Ka Sorkar Jylla kala mang pisa jan kot ia ka T. 50 klur ban shna ia kane ka surok thymmai bad T. 4 klur ban shna ia ka Ophis thymmai ka Sub Division.
“Ngi la trei da ka jingkut jingmut ban pynlong ia ka Meghalaya kum kawei na ki Top 10 napdeng ki Jylla ka Ri ha kine ki 10 snem ban wan lyngba ki sienjam bapher bapher bala shim. Ka Jylla kala kiew sted ha kiba bun ki kam pynroi” ong u Myntri Rangbah ka Jylla.
Ula pyntip sha ki paidbah ba ka Sorkar kala treikam da ka jingkut jingmut bad jingsngew skhem ban pynthikna ia ka jingkiew sted jong ka Jylla ha baroh ki liang. Ula ong ba ym don kawei ruh ka thain hapoh ka Jylla kaba la shah ieh shadien ha ka jingiaid lynti ka Jylla sha ka roi ka par.
“Ngim lah ban wanrah jingkylla tang da kaba pyntrei ia ki kam pynroi ha Shillong bad Tura lane ki jaka sor. Ki kam pynroi ki dei ban poi sha ki kyndong kynshrot jong ka Jylla. Wat ki nongshongshnong na ki jaka kyndong eh ki dei ban ioh ia ki kam pynroi kat kum kaba ki dei hok ban ioh” ula ban jur.
Haba pynpaw ba 80 % na ki nongshongshnong ki dei kiba sah ha ki jaka nongkyndong, u Myntri Rangbah ula ong ‘Lada ka Jylla ka dei ban kiew, ngi hap ban wanrah ia ki kam pynroi ba pynmyntoi lang ia baroh ha baroh ki liang. Baroh ki jaka jong ka Jylla ki dei ban buh ha kajuh ka kyrdan ka jinglong kongsan bad kin ioh ia ka bhah ka dei hok ha ki kam pynroi ba wanrah da ka Sorkar”.
Haba ban jur ia ka jingshisha ba ka Chokpot ka dei kaba la shah iehbein la 50 snem mynta, u Conrad ula ong “Ka sorkar jong ngi kan ym ieh ia ki jaka nongkyndong na ka khana ka jingkiew ka Meghalaya ha ka roi ka par. Ngin pynthikna ba lyngba ki prokram bad ki skhim bapher bapher, ngin pynpoi sha baroh ki kyndong kyrshrot jong ka Jylla”.
Halor ka jingshna ia ka surok thymmai na 12th Mile sha Chokpot, u Myntri Rangbah ula pyntip ha ka jingialang ba kane ka surok kan dei ka Intermediate Lane bad yn pyntrei ia ka khlem kano kano ka jingiapein. “Kan dei kaba lah ban ianujor bad ki Highway ba bha tam jong ka Jylla”ula ong.
Halor ka jingshna ia ka Ophis thymmai ka Chokpot Sub-Division, u Myntri Rangbah ula ong “Kane ka Ophis thymmai kan iarap ban pynjanai ia ka jingai jingshakri sha ki paidbah” haba bynrap b aka Sorkar b aka Sorkar kala shim ia ka sienjam ban pynbha ia ki jingtei jong baroh ki Block Office hapoh ka Jylla.
Kiba la iadonlang ha kane ka sngi ki kynthup ia u MLA ka Williamnagar Marcuise Marak, MLA ka Siju – Rongara Rakkam Sangma, CEM ka GHADC Albinus Marak, Deputy CEM GHADC Nikman Marak bad kiwei kiwei ki kynrem ki lyndan.
