Shillong, Rymphang 23 : U Myntri Rangbah ka Jylla Conrad K Sangma ha ka sngi Nyngkong, ula pyntip ia ka Iingdorbar Thaw Ain ba ka Sorkar kan phah ia ki nongwadbniah (researchers) sha Cambodia ban wad bniah halor ka jingiadei hapdeng ki Khasi bad ki kynhun Mon-Khmer lyngba ka jingleh test DNA bad ka ktien ka thylliej.
Haba jubab ia ka jingiatai halor ka jingkren lamphang u Lat, u Conrad ula pyntip ba ka Sorkar kan pyn long ia ka micro-level study halor ka tynrai jong ki Garo-bala ngeit don jingiadei bad ka Tibet-bad ban pyniar ia ka lyngkha treikam halor ka histori ka Jylla bad ka tynrai ha ka snem mang tyngka ban wan.
Jan kumba 50 ngut ki nongwad bniah (researchers) hapoh ka CM Research Programme kila buh jing thoh ia ki rukom tynrai bad ka kolshor jong ki Jaidbynriew ka Jylla Meghalaya.
U Conrad u pyntip ba ka Sorkar kala bei pisa ba T.15 klur ia ka Seng Khasi’s Indigenous Culture Centre bad T.17.26 klur ba kan tei ia ki jingtei ba donkam ha Smit na ka bynta ka Shad Nongkrem bad lehniam Pomblang, ia kaba T.13.56 klur lah dep ban pynlait. Lah dei tei ruh ia ka kynroh bad ki jaka leit bar u paidbah ha Lum Pomblang.
U pyntip ba ka jingtheh pisa sha ki kam ba iadei bad ka heritage ka kynthup ia ka T.50 lak ban shna ia ka open-air museum ha Wahmawpat, Mawsynram bad T.1 klur sha ka Syrwet U Barim ba ban buh jingthoh ia ki khana ba iathuh halor ka jingstad u menbari,.
“Ngi sngewthuh ia ka tynrai bad ka jinglong kongsan kane ka jaka….bad ban pynneh pynsah ia ka histori ba riewspah jong ki briew jong ngi” ula ong.
 sha Cambodia ban wad bniah halor ka jingiadei hapdeng ki Khasi bad ki kynhun Mon-Khmer lyngba ka jingleh test DNA bad ka ktien ka thylliej.){kind=link}