-->

Jied ka Sorkar haduh 92 tylli ki Shnong ban pyntrei ia ka Vibrant Village Programme-II

Date:

Share post:

Shillong, Rymphang 23 : U Myntri Rangbah ka Jylla Conrad K Sangma ha ka sngi Nyngkong ula pyntip ba haduh 92 tylli ki shnong ha Meghalaya kila shah jied hapoh ka Vibrant Village Programme-II, watla ka Ministry of Home Affairs (MHA) kan dang ban pynmih jingpynbna ia ka tarik ban pyntreikam.

Kane ka skhim, bala plan sha u 2028-29, yn khmih da ka Tnad Border Area Development.
,
“Ia ka Border Area Development Programme lah pynsangeh noh da ka Sorkar India ha u Nailur 2022 bad dei namar kane, ka Sorkar India kala rai ban wanrah ia kane ka prokram thymmai kaba la tip kum ka Vibrant Village Programme” ong u Conrad haba jubab hapoh ka Iingdorbar.

U bynrap “Ki MLA kila wan iakynduh ia nga ban pynlait ia katto katne ka pisa namar ka jingpynsangeh ia ka BADP bad nga la kynthup ia katto katne ka pisa hynrei kam pat dap satia namar ngi hap kynthup lang ia ki jaka ba khappud kiwei ki Jylla bad khappud ka Bangladesh”.

“Ngin sa buh katto katne ka pisa ban pynthikna ba ngin pynbiang ia kane ka jingdonkam. Ka long kaba eh ban pyndap ia ka roi ka par ki jaka khappud na ka pisa ba pynlut tang na ka BADP” ula bynrap haba kdew ia ka jingbei pisa ka Lafarge SPV na ka bynta ka Mawsynran bad Shella.

U Conrad ula ong ba ki District Level Committee bala thaw kat kum ki kyndon ka Sorkar Pdeng, kim shym la kynthup lang ia ki MLA, ka jingduna kaba ka Jylla kala pynsngew bad ka Delhi.

“Ki don ki jaka kiba ka rai ba khatduh lah shim da ki kyrdan na ka Sorkar Pdeng, Ngan sa iakren hi shimet ia kane ka kam” ula ong.

Ka Sorkar Jylla kala mang haduh T.14.99 klur sha ki kam pynroi ha ki jaka khappud bad kiwei pat ki Jylla.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...