Shillong, Rymphang 18 : Ka kynhun Anti Narcotics Task Force bad ki Pulit Special Operation Team, ha ka step sngi Balang, kila hiar khynra nongkhaii droks ha Lumsorbe, Shillong bad ioh kem ia lai ngut ki nongkhaii droks.
Kane ka jingjia kala jia ha ka por 4:30 baje mynstep, kaba la pynlong hadien ka jingioh lum ia ka khubor kaba thikna, halor ka jingdon jong kine ki nongkhaii droks ha katei ka jaka. Ia kane ka jingkhynra la ialam da u Deputy Superintendent of Police Simseng A Sangma.
Ki lai ngut ki nongkhaii droks ba ioh kem ki kynthup ia u Alshad Ali ba 39 snem ka rta, u Jahuruddin bad u Bishu Barman ba 24 snem ka rta.
Na ka met kine ki nongkhaii droks, la ioh ban kurup jan 10 gram u droks heroin lem bad ka pisa ba T.37,950. Ia kine ki briew la kit noh sha Sadar Police Station bad la register case ia ki hapoh ki kyndon ka NDPS Act.
Ka jingtohkit ia kine ki nongkhaii droks kala iaid shakhmat.
