Shillong, Rymphang 11 : Ka jingiap jong ki nongbylla tih dewiong na ka jingbthei ka par ha Mynsngat-Thangsko, East Jaintia Hills ha ka 5 tarik Rymphang, kala kiew sha ka 31 ngut bad kiba mynsaw kila kot ia ka 10 ngut.
Ia kane la pyntip da ka Meghalaya State Disaster Management Authority (MSDMA).
Ka Sorkar Jylla kala hukum ban pynlong da ka Judicial Inquiry halor kane ka jingjia ban pynthikna ia ki daw kaba lam sha kane ka jingbthei nalor ban tynrong ia ka jingbahkhlieh.
Ka Iingkashari Meghalaya High Court kala khot hajir ia u Deputy Commissioner bad u Superintendent of Police ka East Jaintia Hills haba pan ia ki jingtip ba bniah halor ki kam ba kila leh halor kane ka jingjia, ka jingkem ia ki briew ba donkti bad ka jingkurup ia ki tiar tih par bad kiwei kiwei.
