Nongpoh, Rymphang 10: Uwei u rangbah u la iap hadien ba ka jeep kaba u niah, ka la noh ha kawei ka riat kaba don ha Makoibari, hajan Mawdiangum, Ri-bhoi District.
Katkum ka khubor ba iohlum, la iathuh ba kane ka la jia ha ka janmiet sngi Ba-ar ha ka por 1:20 eiei bad u ne u rangbah ba iap la tip kyrteng kum u Rymphangsngi Blah (65) na ka shnong Saiden, Ri Bhoi District.
La iathuh, ba kane ka jingjia ka la jia katba u tei u rangbah u dang wanphai na Makoibari da ka jeep kaba don ia u number ML 10- 1027 hynrei namar ka jingthut ha ka kali, u ne u rangbah um shem la lah ban tehlakam shuh bad leit noh sha kawei ka riat, kaba lam sha ka jingmynsaw jur une u rangbah.
Ki pulit ka Nongpoh Police Station, mar ia ioh jingtip, ki la leit sha katei ka jaka bad pynkit ia u ba mynsaw sha Bethany Hospital hynrei ki doctor ki la pynbna ba u la khlad noh bad namar ba ki bahaiing kim treh ban leh ia ka post mortem, ki pulit hadien ba la pyndep ia ki kamram ki la aiti noh ia ka met sha ki bahaiing.
