Shillong, Rymphang 09 : Ka Iingkashari Special Judge (POCSO) kala hukum ban set phatok 20 snem lem bad ka kuna ba T.50,000 ia u Starling Syiemlieh namar ka jingdonkti ban leh beijot ia arngut ki shipara ba dang hapoh 12 snem ka rta ha West Khasi Hills.
Kane ka case ka dei kaba la register ha Shallang Police Station halor ka ejahar bala ujor ha ka 2 tarik Jylliew, 2023. Ia kane ka ejahar la mudui da la Kmie jong kine ki Khynnah-iwei ba dang 12 snem bad iwei ba 9 snem.
Ki Pulit kila register case ia u Starling Syiemlieh hapoh ka kyndon 5(l)(m)(n)/6 jong ka POCSO act bad la tohkit ia ka da ka WPSI Nylla Eulalia Wanniang.
Hadien ba bishar ia ki sakhi satar, ka Iingkashari ha ka 30 tarik Kyllalyngkot, kala rai pynrem ia u Starling bad hukum ban set phatok ia u haduh 20 snem bad ka kuna ba T.50,000 namar ki kam bymman ba ula leh kiba hap hapoh ka kyndon 6 jong ka POCSO act.
 kala hukum ban set phatok 20 snem lem bad ka kuna ba T.50,000 ia u Starling Syiemlieh namar ka jingdonkti ban leh beijot ia arngut ki shipara ba dang hapoh 12 snem ka rta ha West Khasi Hills.){kind=link}