Shillong, Nailur 22 : U MLA ka Jowai ma Wailadmiki Shylla hynne ka sngi palei, ula aiti ia ki work order sha ki 9 tylli ki kyntoit ka Mihmyntdu ha ka jingialang ba la pynlong ha Community Hall ka Lumpyrtuh.
U Waheh Chnong ka Mihmyntdu ma Abul Phawa ula iaroh ia u MLA ba ula treikam khlem sangeh ha kaban wanrah ia ki kam pynroi hapoh ka Shnong bad ka Constituency baroh kawei.
Ula pyntip baka jingpyntrei pynbha ia ka surok shnong ba 7 km kala sdang bad ka jingmang pisa ia kane ka project ka long T. 5 klur bad kyrmen ba ka jingpyntrei ia ka project kan dep noh ha kine ki saw bnai ban wan.
U ma Wailadmiki ula pyntip ba kine ki work order bala aiti kidei na ka bynta ban shna ia ki kynroh, ki lynti iaid kjat bad kiwei kiwei.
Ula pyntip ruh ba ha kine ki saw snem bala leit noh, ula pyrshang ban trei na ka bynta ban pynbha ia ki jaka sumar, ki skul ha ka shnong bad ruh ula sam ia shibun ki lad jingiarap sha ki nongshongshnong.
Une u MLA ula pyntip ruh ba ia ki kam jong kine ki work order yn pyntrei da ki Local Committee namar ki dei kiba lah ban ai ia kaba bha tam sha ki paidbah ym kum ki kam bala aiti sha ki contractor.
Kiwei pat kiba la kren ha ka jingialang ki long u MDC ba shu sieh ka JHADC, ma Octomewot Lamin, u MDC ka Jowai North, ma Brighstar Chyrmang bad kiwei kiwei.
