Shillong, K’lyngkot 15 : U Myntri Rangbah ka Jylla Conrad K Sangma ha ka sngi Paei ula iathuh ba ula iakren bad ka Sorkar Pdeng bad ki bor pyniaid ka North Eastern Hill University (NEHU) ban pynbeit noh ia ka kynrum kynram kaba don mynta ha kane ka skulbah.
“Hooid, ka long kaba sngewsih bad kaei kaba jia ha NEHU…kala ktah shisha ia ki samla pule bad ki briew kiba trei hangtei. Kaei kaba paw ka i kumba kiei kiei kila shu sahkut hajuh ia mynta” ong u Conrad haba iakren bad ki nongthoh khubor.
“Nga la iakren ha ki kyrdan bapher bapher ha ka Ministry bad u Myntri hi bad wat sha NEHU. Kumba phi tip, ka NEHU ka dei ka skulbah kaba hap hapoh ka jingkhmih ka Sorkar Pdeng, kumta ka long ka kam kaba eh ia ngi ban tuklar beit beit ia ka, ngi lah ban shu shim ia ka bynta ban iakren hapdeng ki arliang mamla, bad kane ka dei kaba ngi leh mynta” ula ong.
U Conrad ula kular ba ka Sorkar Jylla ka lah pyrshang kat kaba lah ban wad ia ki lad ki lynti ban pynbeit ia kane ka kam bad u Myntri ka Tnad Pule Puthi ula iakren bad ki Ophisar ka NEHU.
“Ngi la pyrshang kat kaba lah. Katba ngi dang iakren, nga tharai u Myntri ka tnad Pule Puthi ula iakren ia ki katto katne ki Ophisar na NEHU ban wad ia ki lad ki lynti ban pynkut noh ia kane ka kynrum kynram ba don hangtei” ula ong.
 ban pynbeit noh ia ka kynrum kynram kaba don mynta ha kane ka skulbah.){kind=link}