Shillong, Nohprah 30: U President ka Khasi Student Union (KSU) u Samla Lambokstarwell Marngar hynne ka sngi Baar, ula pyntip ba ka seng kala bthah ia ki dkhot ban iai bteng ka jingkhynra ia ki briew kiba i artatien kiba wan shapoh Meghalaya.
Kane ka wan hadien ba ki jingiakhih hapoh ka Ri Bangladesh kiba la byrngem ban thombor bad knieh ban kynthup noh iaka thain Shathei Lammihngi (North East) ha ka jingsynshar ka Bangladesh.
Haba kren sha ki lad pathai khubor u samla Lambok ula ong, ba ka jingjia ha Bangladesh bad ka jingbyrngem ki nongiakhih kadei ka jingkyrsiew thiah iaka Sorkar Pdeng bad ka Sorkar Jylla ban pynkhlain ia ki bor pahara ha ki thain khappud.
U samla Lambok ula ong ba ka jingiakhih ha Bangladesh kala pynlong iaki nongshong shnong ban wad jaka riehtngen sha ki jaka ba marjan kum ha Meghalaya kaba don shilliang khappud bad ka Bangladesh.
“Na ka liang ka KSU ka sngew ba ym tang ka Sorkar India hynrei wat ka Sorkar Meghalaya ruh kadei ban shim ia ki sienjam ban iada ia ka Jylla. Ngi dawa na ka Sorkar Pdeng bad ka Sorkar Meghalaya ban peit pyrman bad wanrah ia ki lad jingiada da ki ain, ki kanun ban pynshong shngain ia ka thain Shathei Lammihngi (North East) baroh kawei” la ong u samla Lambok.
Ula ong, ba ka KSU kan nym shongthait bad kan iai bteng ka jingtalasi bad kala bthah ruh ia ki shnat trei kam ba pher bapher ban bteng ban khynra iaki briew ba i shankhmat kiba wanrung shapoh Meghalaya.
 u Samla Lambokstarwell Marngar hynne ka sngi Baar, ula pyntip ba ka seng kala bthah ia ki dkhot ban iai bteng ka jingkhynra ia ki briew kiba i artatien kiba wan shapoh Meghalaya.){kind=link}