Shillong, Nohprah 29: Ka Junior Women’s Selection Committee jong ka Meghalaya Cricket Association (MCA) ka la jied ia 15 ngut ki nongialehkai Kynthei bad 5 ngut ki ba dang hap ap (Standby) na bynta ka BCCI’s U-19 Girls’ One Day Trophy 2025-26 plate group.
Kane ka lympung ialehkai Cricket kan sdang ha ka 2 tarik Kyllalyngkot ha kaba ka Meghalaya kan ïakhun pyrshah ïa ka Arunachal Pradesh ha ka jingïalehkai kaba nyngkong.
Baroh ki jingïalehkai Plate Group kin long ha Guwahati bad kiwei pat ki Jylla kiba don ha kane ka kynhun ki long ka Mizoram, Tripura, Nagaland bad Sikkim.
Ka Laviola Mary L Mawlong kan long ka Captain katba ka Onasa M Sangma kan long ka Vice Captain bad ia kane ka kynhun ialehkai ka Meghalaya yn hikai da u Laxman Chettri kum u Coach.
Ka kynhun ïalehkai ka Meghalaya ka kynthup ka Aniesha Arengh, Aviana Myrthong, Badphishirta L Nonglait, Idatyngkai Marngar, Laviola Mary L Mawlong (C), Meaikyntiiaka Warjri, Mebalapynkmen Syiemlieh, Onasa M Sangma (VC), Prisceca Nongpiur (WK), Ribahun Sun Mawlong, Nokphilandha Makri, Harung Marak Asorphi R Wankhar
Kiba dang hap ap (Standby) ki kynthup Naridashisha Marngar, Bianchimik R Sangma, Zanakilabelang Kurbah, Akansa M Sangma, Meher Singh.
Ki Support Staff ki kynthup Laxman Chettri (head coach), Surooj Rabha (assistant coach), Jakrimbal D Arengh (physio), Sweety Marboh (trainer), Phibakordor Diengdoh (manager).
 ka la jied ia 15 ngut ki nongialehkai Kynthei bad 5 ngut ki ba dang hap ap (Standby) na bynta ka BCCI's U-19 Girls' One Day Trophy 2025-26 plate group.){kind=link}