Guwahati, Nohprah 28: Hadien ba ka Election Commission of India (ECI) kala leit sha man la ki thliew iing na ka bynta ban pynshisha ia ki kyrteng jong ki nongthep vote, la pyndam noh haduh 10.56 Lak ki kyrteng jong ki nongthep vote na ka draft electoral rolls, kaba la pynmih ha ka 27 tarik u Nohprah 2025.
Napdeng ki nongthep vote kiba la shah weng, jan 4.79 lak ngut kidei kiba la iap, palat 5.23 lak ngut ki la phet noh ne kynriah noh shawei, bad la lap ba 53,619 ngut ki don ar tylli ki kyrteng ha ka thup nongthep vote ne voter list.
Ia kane ka jingpynshisha na kawei ka iing sha kawei pat ka iing ha Assam la sdang ha ka Jylla naduh ka 22 tarik u Naiwieng haduh ka 20 tarik u Nohprah.
“Ka jingdon jong ki nongjied baroh ha Assam, katkum ka jingkhein jong ka ophis jong u CEO, ka long 2,52,02,775 ngut. Hynrei kane ka kynthup ia palat 93,000 ngut ki ‘D Voters’, kiba ki case jong ki ki dang sahkut ha ka Foreigners’ Tribunal bad ki bym shah ban thep vote ha ki elekshon haduh ba kine ki nongshong shnong jong ki kin shah weng noh.” Ka jingdon jong ki nongjied ha ka Jylla ka long 2,51,09,754 ngut, ha kaba uwei pa uwei na ki ba la shah ktah ha ki 61,03,103 tylli ki jingleit jngoh ïa ki ïing ha kylleng ka Jylla, la ong ka ophis jong u CEO.
Shuh shuh la bynrap, “Ka ECI ka la pynkut nohïa ka jingleit ban rung man la ka thliew iing ban pynshisha ne ka House-to-House (H2H) jong ka jingpynkylla kyrpang (SR) – 2026 ha Assam. Kane ka jingtreikam ka thmu ban pynthikna ïa ka thup nongthep vote kaba kynthup lang, kaba thikna, bad kaba shai na ka bynta ka jylla”.
Ki nongjied ba thymmai ki lah ban aplai ban dawa ban shah pynrung ha ka thup kyrteng da kaba pyndap ïa ka form 6, ong ka kyrwoh jong u CEO, da kaba bynrap ba ki nongjied ki lah ban aiti ïa ka form 7 ban pyrshah ïa ka jingthmu ban pynrung ïa ka kyrteng lane ban aplai ban pyndam noh ïa ka kyrteng na ka thup kyrteng kaba la don lypa.
Ki briew kiba la kynriah jaka sah na ka jaka ba ki la rejistar mynshuwa ki dei ban pyndonkam da ka Form 8 ban pan jingkylla jaka sah ha ki kot ki sla jong ki nongjied nongmih khmat.
 kala leit sha man la ki thliew iing na ka bynta ban pynshisha ia ki kyrteng jong ki nongthep vote, la pyndam noh haduh 10.56 Lak ki kyrteng jong ki nongthep vote na ka draft electoral rolls, kaba la pynmih ha ka 27 tarik u Nohprah 2025.){kind=link}