Shillong, Nohprah 27 : Ka United Democratic Party (UDP) kala pynpaw ba ka khlem tynruh satia ia ka Sorkar ba kan pynlait noh mardor ia ka kaiphod jong ka Expert Committee halor ka State Reservation Policy (SRP).
Haba kren sha ki lad pathai khubor, u General Secretary ka UDP Bah Titosstarwell Chyne ula ong “Ka ju long hi kumne bad ngi ruh ngi la ati ia ki jingai jingmut bad haba ka Sorkar kala thung ia ka Committee, ngi khmih lynti ba ka Committee kan aiti ia ka kaiphod”.
Ula bynrap ba u Myntri Rangbah ka Jylla dang shen ula pynshai ba ka kaiphod ka don hapdeng 4000-5000 sla bad la pynjanai ia ka hashuwa ban pynmih paidbah.
Haba kylli halor ka jingbyrngem ka Voice of the People Party (VPP) bad u MLA Bah Ardent M Basaiawmoit ban iakhih lada ym sei paidbah noh ia ka kaiphod, u Bah Titos ula ong “Kam don jingpher satia naba ngi lah ap lah slem, kumta ngin ia ap ia ka Sorkar ba kan pynlait ia ka kaiphod ha ka por kaba dei”.
Ula ban jur ba ka jingdawa ban pynlait noh mardor ia ka kaiphod ka dei ka kam ka bym sngew iahap satia ia ka UDP.
“Naba u Myntri Rangbah ula dep pynshai ba ka Sorkar ka dang pynjanai ia ka kaiphod ban lap ia kino kino ki jingbakla kum ki jingbakla spel dak, ka senten bad kiwei kiwei, to ngin ia ap ia ka Sorkar ba kan pynbeit ia ki jingbakla shuwa ban pynlong paidbah” ong u Bah Titos.
 kala pynpaw ba ka khlem tynruh satia ia ka Sorkar ba kan pynlait noh mardor ia ka kaiphod jong ka Expert Committee halor ka State Reservation Policy (SRP).){kind=link}