Shillong, Nohprah 15: Ka Khasi Student Union (KSU)- East Jaiñtia Hills District ka la kyntu ïa ka Meghalaya State Pollution Control Board (MSPCB) ba kan weng noh ïa ka jingpynbna ban pynlong iaka Public Hearing ha ka 19 tarik u Nohprah 2025, haba pynpaw ïa ka jingsngewkhia halor ka jingioh thied jaka u bar jylla ban seng karkhana dewbilat ha Daistong.
Ha ka shithi sha u Member Secretary ka MSPCB, ka KSU ka kynnoh ba ia ka jingpynbna ia ka Public Hearing kadei kaba bakla palat bad ba ialam bakla iaki paidbah, kaba long pyrshah ia ka Environment Impact Assessment Notification, 2006, bad ia ka Meghalaya Land Transfer Act, 1972.
Ka KSU kala pynpaw baka jingsngewkhia kadei halor ka jingiateh kular ban ai jaka hapdeng uwei u riewlum bad ka Shree Cement Limited kaba dei ka Company bym dei riewlum, kaba long being katkum ka Section 3(1) jong ka Meghalaya Land Transfer Act, 1972 khlem ka jingmynjur na ka Ophis u Deputy Commissioner.
“Ngi maham ba kano kano ka jingpyniaid shakhmat iaka Public Hearing yn khien kum ka jingpynshlur ia ka jingiadie iathied jaka kaba la khang pyrshah da ka Ain ka Jylla, ka ban wanrah ia ka jingktah kaba jur ha ka liang ka ain bad ka riti synshar” ong ka shithi.
Ka KSU ka ban jur ba ka jingpynïaid shakhmat ia ka Public Hearing kan pynkheiñ ïa ka Meghalaya Land Transfer Act, 1972, bad ki jingïada jong ka Riti Synshar hapoh ka khyrnit ba hynriew jong ka Riti Synshar ka Ri India.
Ka KSU ka kyntu ia ka MSPCB ban weng noh ia katei ka jingpynbna ban pynlong iaka Public Hearing bad ban pynthikna ban bud ryntih katkum ka ain jong ka Meghalaya Land Transfer Act, 1972, bad ka Environment Impact Assessment Notification, 2006.
- East Jaiñtia Hills District ka la kyntu ïa ka Meghalaya State Pollution Control Board (MSPCB) ba kan weng noh ïa ka jingpynbna ban pynlong iaka Public Hearing ha ka 19 tarik u Nohprah 2025, haba pynpaw ïa ka jingsngewkhia halor ka jingioh thied jaka u bar jylla ban seng karkhana dewbilat ha Daistong.){kind=link}