Shillong, Nohprah 15 : Ka Joint Action Committee Muster Roll Workers Union (JACMRWU) ka la shim ia ka rai ban pynsangeh noh shwa ia ki program jingiakhih kaba la thmu ban sdang ha ka 16 tarik Nohprah, hadien ba kala ioh ia ka jingkular na u Myntri Rangbah ka jylla Conrad K Sangma ban khot iakren iaki nongialam.
Ia kane la pynbna da u General Secretary ka JACMRWU Bah Bympherlang Pyndem uba la ong baka MRWU ka dawa ban pyntreikam noh ia ka Variable Dearness Allowance (VDA), ka Floor Rate, bad ka snem ban shongthait ki nongtrei muster roll.
Lah ban kdew baka MRWU haka 22 tarik Naiwieng ka la pynlong ia ka jingiakhih ha Madan Football Malki bad dei ha 3 tarik Nohprah, u Labour Commissioner u la khot iaki nongialam ka Union ban iakren halor ki mat jingdawa.
“U Labour Commissioner u la pynshai ba ka jingpynkylla ia ka GST ka la pynduna ia ka dor jong ki mar mara, kumta ym lah ban pynkiew ia ka VDA. Ngi la pan na u Commissioner ban ai daka jingthoh hynrei um shym la lah ban ai” ong u Bah Bympherlang.
Ka Union kala pan por ban iakynduh ia u Myntri Rangbah ka Jylla hynrei uba la aiktien ba u lah ban khot iakren ha ka 17 tarik Nohprah lane haka taiew ba nyngkong jong u bnai Kyllalyngkot 2026.
“Ngin ap ia ka jingkhot iakren jong u Myntri Rangbah ka Jylla bad ngin iai bteng ban buddien ia ki jingdawa jong ngi” u la bynrap.
Nalor kane ka JACMRWU kala kyntu ïa u Myntri Rangbah ka Jylla ban bthah ïa ka tnat Animal Husbandry ba kan pyllait noh ïa ka tulop ba dang sahteng jong ki nongtrei Muster Roll kaba kot shaka hynriew bnai.
 ka la shim ia ka rai ban pynsangeh noh shwa ia ki program jingiakhih kaba la thmu ban sdang ha ka 16 tarik Nohprah, hadien ba kala ioh ia ka jingkular na u Myntri Rangbah ka jylla Conrad K Sangma ban khot iakren iaki nongialam.){kind=link}