Shillong, Nohprah 11: Ki nongtrei ASHA jong ka Jylla hapoh ka shatri Meghalaya ASHA Workers’ Union (MAWU) hynne ka sngi kila byrngem ban sdang iaka jingiakhih daka ba sangeh treikam, lada ka Sorkar Jylla kam pyllait iaka bai nong jong ki.
Ia kane ka rai la shim haka jingialang kaba la pynlong ha Dorbar Hall Pynthorbah Golflink Shillong, kaba la iakren halor ka jingslem ban pyllait iaka bai nong jong ki.
Haba kren shaki lad pathai khubor ka President ka MAWU Kong Mira June Marsing kala ong baki nongtrei ASHA kin ap haduh 19 tarik Nohprah ia ka Sorkar Jylla ba ka dei ban pyllait iaka bai nong jong ki.
Ka Kong Mira kala ong ba ki nongtrei ASHA ha rilum Khasi-Jaintia kim pat ioh ka bai nong kaba dei ka bhah naka Sorkar Pdeng naduh u bnai Jymmang, katba ki nongtrei ASHA ha rilum Garo kim ioh iaka bai nong mynta la shi snem tam.
Kala kubur ba ka Sorkar Jylla ka pyllait hok iaka bai nong jong ki nongtrei ASHA hynrei kaba sahkut mynta kadei ka bai nong naka bhah Sorkar Pdeng.
“Haka jingshisha ngi la ai por haduh 15 tarik Naiwieng 2025 ia u Mission Director ka National Health Mission ban pyllait noh iaka bai nong hynrei u Director u la pan por bad mynta ngi la rai ban ap tang haduh 19 tarik Nohprah ban pyllait iaka pisa bad lada ka Sorkar kam lah ban leh eiei, ngim banse ban iakhih daka ba sangeh treikam noh naduh 19 tarik Nohprah 2025” la ong ka Kong Mira.
 hynne ka sngi kila byrngem ban sdang iaka jingiakhih daka ba sangeh treikam, lada ka Sorkar Jylla kam pyllait iaka bai nong jong ki.){kind=link}