Shillong, Nohprah 03 : U Nongialam ka United Democratic Party (UDP) Bah Paul Lyngdoh ula kyntait ia ki jingkam ba u thmu ban leit iasoh noh sha ka National People’s Party (NPP) bad ong ba kine ki dei tang ki “jingmutdur bad jingpynwan khana hi”.
“Ngam tip nangno ka mih….kine baroh ki dei tang ki jingmutdur bad ki jingpynwan khana hi” ong u Bah Paul haba ban jur ba um don jingthmu satia ban iehnoh ia ka UDP.
U Bah Paul ula pynpaw ba ki kam pohiing ka party dei ban iakren hapoh ka party, haba iathuh ba ki don katto katne ki kynhun ki bym sngewtynnad bad ka rukom leh haba iadei bad ka jingbujli Myntri ba dang shen da ki nongialam ka party.
“Hooid, ki don katto katne ki kynhun hapoh ka party ki bym sngewtynnad bad ka rukom leh haba iadei bad ka jingbujli myntri da ki nongialam ka party hynrei kine ki dei ki kam kiban sa iakren hapoh iing” ula ong.
Une u Nongialam ka UDP ula pynskhem ia ka jingaiti jong u sha ka party da kaba pynbna, “Nga pynskhem ia kawei ka mat kaba long ba ha baroh kawei ka jingim jong nga ha ka kam sain pyrthei, nga la ju long u nongialeh bad ngam dei u ban kynrandien. Ngan ym sangeh da kaba suk.”
 Bah Paul Lyngdoh ula kyntait ia ki jingkam ba u thmu ban leit iasoh noh sha ka National People’s Party (NPP) bad ong ba kine ki dei tang ki “jingmutdur bad jingpynwan khana hi”.){kind=link}