Shillong, Naiwieng 26 : Ka Sorkar Jylla kala ai jingmynjur ia ka Internal Revenue Generation Scheme (IRGS) na ka bynta ka Engineering College bad Polytechnics, ka ban ailad ia kine ki jaka pule ba kin pyndonkam ia ki jingshemphang jong ki bad ki jingdon jingem ba kin lah pynmih pisa.
“Ngi la ai jingmynjur ia ka IRGS jong ka Engineering College bad Polytechnics, ka ban ailad ia ki ba kin pyntrei ia ki project bad leh ia ki kam kiba ju aiwai baroh shikatta sha ki IIT bad IIM” ong u Myntri Rangbah ka Jylla Conrad K Sangma haba iakren bad ki lad pathai khubor hadien ba pyniaid ia ka jingialang jong ka Kynhun Myntri ha ka sngi Balang.
Ka skhim ka thmu ban pyndonkam ia ki nonghikai bad ki samla pule ha ki kam ba lah ban pynmih pisa, ban pyndonkam ia ka sap bad ka jingshemphang jong ki.
“Ki jaka pule jong ngi, kum ka Shillong Engineering College bad ki Polytechnic, ki dei kiba kot bor ban pyntrei ia kine ki project bad kane ka skhim kan ailad ia ki ba kin leh ia kata” bynrap u Conrad.
Ka Sorkar kan dang bteng ban pyndonkam ia ki agency ba nabar kum ka IIT bad IIM kaban long kat kum ki project project, kaba shong ruh halor ki jingdonkam.
“Kam dei satia ba ngin ym pyndonkam shuh ia ki IIT, kan shong ha ki project project” ula ong.
 na ka bynta ka Engineering College bad Polytechnics, ka ban ailad ia kine ki jaka pule ba kin pyndonkam ia ki jingshemphang jong ki bad ki jingdon jingem ba kin lah pynmih pisa.){kind=link}