Shillong, Naiwieng 20: Ka Shillong Literary Festival kaba 5 kaba la long ha Ward’s Lake, kala khring ia ka jingwan iashimbynta jong ki 60 ngut ki nongthoh poitri kiba pawnam, ki nongthoh kot, nongshna phlim bad ki khraw pyrkhat pyrdain na kylleng jong ka ri India bad ka pyrthei.
Ki nongjop ia ka International Booker Prize kiba kynthup ia ka Banu Mustaq bad Francesc Miralles, ka nongthoh jong ka kot kaba la iaid iew bha ha ka pyrthei ka Ikigai, kila lamkhmat ha ka jingplie ia kane ka tamasa. Nalor kane la wan ban iasnohkti lang u nongpynwandur ia kane ka tamasa ka Malavika Banerjee, u Commissioner ka tnad Jngohkai u Vijay Kumar D bad u Commissioner & Secretary ka Sorkar Meghalaya u Bah Cyril V. D. Diengdoh.
Haba ai jingkren, ka Mustaq kala iaroh ia ka Shillong “rain-soaked poetry and quiet strength,” bad ka ong, ba kane ka tamasa ka ioh ban pynrung ia ka lynti “landscapes shape literature.” U Miralles ula ong ba ka Shillong ka long kum ka paradis kaba rit ne “little paradise” bad ula ong ba khmih lynti halor ka jingiakren halor ka kot Ikigai bad ka kot thymmai ka jongu Namaste.
Katba ka Banerjee kala batai shaphang ki prokram bad ka pynpaw ba mynta ka kynti ka iashoh bha bad ki sur kiba la ioh jingithuh ha ka pyrthei ryngkat bad ka jingkhlain jong ka jingsngew jong ka jingmihkhmat ia ka thain. Kala ong ba “Kane ka tamasa kadei kaba la pynwandur ban shakri ia ka jaka ban long ka jingiasyllok kaba don jingmut bad ia ka jingiatai nia”.
Ha ka sien ka banyngkong eh, kane ka tamasa kala buh kyrpang ia ki bynta ha kaba iadei bad ka litreshor jong ki Khasi bad Garo ha kaba ki nongthoh kiba pawnam kum ka Kong Streamlet Dkhar, Janice Pariat, Aiyinti Nongbri, Barbara Sangma bad Colnat B. Marak. U Nongshna phlim Garo u Domnic Sangma, ki tyngshop ki puron kiba kynthup ia u Rajat Kapoor bad Vinay Pathak bad u nongtem ba pawnam u Gino Banks kila pynkhreh ban iashimbynta ha kane ka tamasa,
Ha kane ka tamasa kaba 3 sngi, kan iai bteng baroh mynta ka taiew, ban rakhe ia ka litreshor, kolshor bad iaka bor jong ka jingiathuhkhana ha ka dohnud jong ka nongbah Shillong.
