Shillong, Nailur 18: Ka All Meghalaya Progressive Muster Roll Workers’ Union (AMPMRWU) ha ka sngi Palei, ka la pynbna ïa ki nongïalam ba thymmai bad ai khublei ïa ka Sorkar kaba la lah ban pynurlong ïa ki mat jingdawa ba la sahteng la slem bha.
Haba pynbna ia kane, u President ka AMPMRWU u Bah Nazarius K Lanong u la ong, “Ngi kwah ban pyntip ba ngi la ioh ia ka EC ba thymmai jong ka All Meghalaya Progressive Muster Roll Workers’ Union hadien ba ngi la lum ka jingialang haka 4 tarik Naitung 2026. Ngi la ioh ruh ia u Adviser ba thymmai kata u Bah Ervin Syiem Sutnga.”
Haba ai khublei ia ka Sorkar, u Bah Nazarius u la ong, “Ngi ai khublei ia u Myntri Rangbah ka Jylla Conrad K Sangma uba la sngap ia ki jingdawa jong ngi bad kumjuh ruh ngi ai khublei ia baroh ki heh sorkar kiba don ha ki tnat treikam bapher bapher.”
U Bah Nazarius ula ai khublei ruh ia ka Joint Action Committee kaba la thaw lang da ka Ka All Meghalaya Progressive Muster Roll Workers’ Union bad ka All Jaintia Muster Roll kaba la buddien ia ki mat jingdawa haka jingialam ka Chairperson bad u Chairman lem bad baroh ki dkhot jong ka.
U la iaroh ruh ia ki Unit naki district bapher bapher na ka bynta ka jingtrei bad ka jingkyrshan jong ki da kaba ong, “Ngi ai khublei ia ki unit bapher bapher kiba don ha ki district bapher bapher namar dei lyngba ka jingtrei shitom jong ki ba ba ngi la lah ban pynkohnguh iaka Sorkar ban pynurlong iaki mat jingdawa jong ngi”.
