Shillong, Naiwieng 20: U nongaibuit ka tnat ka koit ka khiah Bah Mayralborn Syiem ha ka sngi Balang, u la ai ka jingiaroh ia ka rai jong ka kynhun Myntri ka Sorkar Jylla ban pynkylla ia ka Rule 6 (d) jong ka Ministerial District Establishment Service Rule 2017 ban pyndap 50% na ki kam ba lait jong ka Group D da ki nongtrei Casual Worker katkum ka Regular Casual Worker Scheme 1996.
“Nga sngewkmen bad nga kwah ban pynpaw biang ïa ka jingkhublei ba kyrpang jong nga ïa ka Sorkar Meghalaya, ïa ka kynhun Myntri Sorkar kaba la shim ïa kum kane ka sienjam ban pynbit pynbiang iaki Casual Worker hapoh ka Jylla daka pyndap 50% na ki kam ba lait” la ong u Bah Mayralborn.
“Kane ka mat ka long kaba kyrpang bha ia nga. Nga la ju pynpaw ïa kane ka mat man ka por wat ha Iingdorbar thawain bad sha bar, nga la thoh ruh sha ka tnat Personal bad dangshen lyngba ka Estimate Committee jong ka Meghalaya Assembly” u la ong haba bynrap ba ka jingpynkylla ka pynbeit ïa ka jingïakulmar kaba la slem bha kawei namar ka Office Memorandum 1996 bad kawei jong u snem 2017 kaba ai jingmut ba baroh ki kam Group D dei ban pyndap da kaba shu thung kam. Ka rai ka pynphai aibor ban pyntreikam daka Office Memorandum 1996, kaba pynthikna ba 50% na ki kam ba lait jong ka Group D dei ban thung daki Casual Worker kynthup ki muster‑roll bad ad‑hoc.
U Bah Mayralborn u la ai khublei ïa u Myntri Rangbah ka Jylla bad ïa ka Estimate Committee kiba la pdiang ïa ki jingeh bad ai jingmynjur ïa ka jingpynkylla.
Kane ka sienjam la khmih lynti ba kan ai jingmyntoi ïa ki Casual Worker ha kylleng ki tnat treikam Sorkar jong ka Jylla Meghalaya, u la ong.
 jong ka Ministerial District Establishment Service Rule 2017 ban pyndap 50% na ki kam ba lait jong ka Group D da ki nongtrei Casual Worker katkum ka Regular Casual Worker Scheme 1996.){kind=link}