Shillong, Naiwieng 18 : Hadien ka jinglah ban khur ia baroh san tylli ki nam jop, ka kynhun ialehkai ka Meghalaya, ka la long kaba la pynkhreh ban iakhun ia ka final pyrshah ia ka Mizoram, ha ka lympung ialehkai jong ka the U-23 Men’s State A Trophy, kaban long lashai ka sngi ha Mohali.
Kane kan dei ka sien jam ba nyngkong ba napdeng baroh ki kynhun ialehkai ka jylla, dei tang kane kawei ka kynhun kaba la lah ba kan jam shaduh ka phainal, ha kaba ka la ioh ruh ia ka kitbok ka kit rwiang na u President bad u Honorary Secretary jong ka MCA u Nababrata Bhattacharjee bad bah Raynold Kharkamni.
Ka lynti iaid ia ka kynhun ialehkai jong ka Meghalaya ha kane ka lympung ka long ba ka la sdang shwa ba kan khur ia ka jingjop kaba 93 ron pyrshah ia ka Sikkim bad bynrap sa da ka jingjiop kaba long da 1 wiket pyrshah ia ka Manipur, ban pynliem ia ka Arunachal Pradesh bad kumjuh ia ka Nagaland da 8 wiket bad kaba kut da ka jingjop kaba 23 ron pyrshah ia ka Mizoram, kaba la biang pura syndon ia kane ka kynhun ba kan da bat ruh ia ka kyrdan ba halor duh na kane ka thup (group).
Napdeng ki nongialehkai u Dipankar Baruah, u la lah ban kamai kumba 203 ron, bad dei tang ma u ban lah ruh ban kamai ia ka spah ron (century) ha kane ka samoi ialehkai ba mynta jong kane ka lympung, na ka jingiakhun kaba la dep pyrshah ia ka Mizoram.
