Shillong, Naiwieng 18: U Officer on Special Duty (OSD) jong u Myntri Rangbah ka Jylla Bah Daniel Thangkhiew lem bad u President barim ka FKJGP Bah Wellbirth Rani, ha ka sngi Ba-ar, kila plie pyrda ia ka lympung ialehkai phutbol Second Division bad Third Division jong ka Tyrsad Area Sports Association (TASA).
U Bah Daniel Thangkhiew ula ong, bun ngut ki nongialehkai na kane ka thain kila ialehkai ha ki jingiakob jong ka Shillong Sports Association bad ula kyntu ia ki nongialehkai ba kim dei ban duh jingkyrmen hynrei kidei ban pyndonkam hok ia la ka sap ka phong khnang ba kin lah ban ialehkai ha kylleng jong ka ri India.
Ula iathuh ba ula ioh jingtip ba ka sorkar kala mang T.14 klur na ka bynta ban shna ia ka madan kaba paka ha kane ka thain hynrei kila mih khyndiat khynsoit ki jingeh bad kumta un sa ialeh ban buddien ia kane bad ka sorkar, khnang ba kin ioh ban sdang noh ia ki kam ban ioh ia ka madan kaba kham bha.
Nalor kane, u Bah Daniel ula kular ruh ban iakren bad u Myntri Rangbah ka jylla ban ai jingiarap lyngba ka Chief Minister’s Fund ia ka TASA khnang ba kan lah ban kyntiew shuh shuh ia ka jingialehkai football bad ia ka sap ka phong jong ki nongialehkai,Na kaliang u Bah Daniel Thangkhiew u la ai jingiarap da ka pisa ba 1lak tyngka ia ka TASA
Na ka liang u Bah Wellbirth Rani ula ong, ba watla ka TASA kadei ka kynhun kaba duk hynrei kila iaksaid bad kim shym la randien bad kam pat pulom ha ka jingtreikam ka jongka namar ba ki don ia ka jingiatreilang bad ki paitbah, ki Rangbah Shnong, ki samla bad baroh ki nongshong shnong ki donbynta lang na ka bynta ban leh ia ki kam kiba bha bad ban rah shajrong ia ki samla ka thaiñ.
Ha kane ka jingplie ia kane ka lympung ialehkai football la iadonlang u MDC barim ka Mawphlang u Bah Lamphrang Blah, ki nongkitkam ka TASA, ki nongialam shnong bad kiwei kiwei.
Ka TASA kadei kaba la pyniasoh bad ka Meghalaya Football Association bad ha kane ka Lympung iakob ialehkai jong ka Second Division bad Third Division, kadei kaba la wan ban iashimbynta da bun phew tylli ki kynhun ialehkai ne Club bad dang ha kine ki khyndiat sngi la dep ban plie pyrda ia ka jingsdang ia ka jingiakob ha ka First Division da ka jingthmu ban plie lad ia ki samla ba kin pyni ia la ka sap ka phong ka jongki ha ka jingialehkai Football.
 jong u Myntri Rangbah ka Jylla Bah Daniel Thangkhiew lem bad u President barim ka FKJGP Bah Wellbirth Rani, ha ka sngi Ba-ar, kila plie pyrda ia ka lympung ialehkai phutbol Second Division bad Third Division jong ka Tyrsad Area Sports Association (TASA).){kind=link}