Shillong, Naiwieng 14: Ka Shillong Sports Association (SSA) ka la pynbna sha ki paidbah ba ieit phutbol ia ka jingpyllait pyniakap (grouping) ia ki klob ne team kiban iakhun ha ka lympung ialehkai ba thymmai-ka Champions Cup.
Ia kane ka lympung yn plie da u Myntri Rangbah ka jylla Conrad K Sangma ryngkat u Myntri ba dei khmih ia ka tnat Sports & Youth Affairs, ki ban sa pyllait paidbah ruh ia ki trophy jong kane ka lympung kaba la buh ba kan sdang naduh ka 24 tarik mynta u bnai.
Ka jingthmu kaba sha lyndet jong ka jingpynlong sa ia kane kawei pat ka lympung ialehkai kiba don baroh haduh san tylli, ka long ban lah ban lum ne ban wanrah lang noh pat ia ki ha kawei pat ka lympung kaba kum kane ka Champions Cup ba kin ioh ia ka kabu ksiar ba kin iakhun hapdeng sa para maki.
Ha kane ka kynti, kin don baroh 10 tylli ki kynhun ne team kiban aireng ia kaba la phiah pat ia ki ha ki artylli ki group kiban don mar san tylli ki team ne klob, ba kin iakhun shwa hapdeng para maki bad ki artylli ki kynhun ne team kiba bat ia ki kyrdan ba kham shalor na kine ki group, kin khreh pat ban jam sha ka kyrdan iakhun jong ka semifinal.
Haba phai sha ka khusnam, ki tem ne kynhun ban kthong ia sha katta ka kyrdan ban long ki lahduh jong ki lahduh (champion of champion), kin ioh ban rah ia ka song pisa kaba long 8 lak tyngka, kaba kham niar ban lah ban shem ne iohi hangne hapoh ka jylla Meghalaya.
Ia kane ka lympung yn sdang noh ia ka marsien kut ka samoi ialehkai jong ka First Division ha kaba artylli ki kynhun ka MLP FT bad ka Nongkseh SC, ki long kiba la pyntikna ba la dep ban buh jaka lypa ialade sha kane ka kyrdan iakhun, bad kaba sah na kane ka lympung ka long ban shu ia peit bad khmih mano napdeng kine ban long ka lahduh bad kaban wan ba-ar.
Haba phai sha ka jingpyniakap ha ka Group A, ki kynhun ne team kiba la pynrung ha kane ka group ki long ka lahduh ka Shillong Premier League ka Langsning, Mylliem Lum (Second Division champions), Umlyngka (Third Division runners-up), Mawkasiang (Fourth Division victors) and the First Division runners-up.
Ha ka Group B pat yn don ka klob ba wan ba-ar na ka Shillong Premier League, katta ka Shillong Lajong, Laitkyrhong (Second Division runners-up), Mawkriah West (Third Division winners), Mawlynrei (Fourth Division runners-up) bad ka kynhun lahduh jong ka First Division.
Ki artylli ki team ne kynhun ban mih madan ban iakhun ia ka jinglehkai ba sdang kane ka lympung kan long hapdeng ka Mawkasiang pyrshah ia ka Mylliem Lum, kaba buh ba kan long ha ka 24 tarik mynta u bnai kaban long ha ka por 1 baje nohphai sngi, bud pat da ka jingiakhun hapdeng ka Langsning FC pyrshah iaka Umlyngka kaban sdang ha ka por 4:30 janmiet jong kane kajuh hi ka sngi.
Ki tarik ka semifinal ki long ha ka 9 bad ka 10 tarik u Nohprah u ban wan.
Ha kane ka kynti, kum shi bynta ban lah ban pynitynnad iakane ka lympung, ka SSA ka shim ia ka rai ba ki kynhun ne team kiba dei na ka Second, Third bad Fourth Divisions ki lah ban shim ne soi kylliang ia kumba 5 ngut na kiwei pat ki team ne klob jong kino kino ki division, ki bym shim la lah ban ioh iakhun ha kane ka lympung.
 ka la pynbna sha ki paidbah ba ieit phutbol ia ka jingpyllait pyniakap (grouping) ia ki klob ne team kiban iakhun ha ka lympung ialehkai ba thymmai-ka Champions Cup.){kind=link}