Shillong, Naiwieng 14 : Haba kynthoh ia ka jingjop ka NDA ha ka elekshon Assembly ha Bihar, u President ka BJP Meghalaya Rikman G Momin ula shim ia kane ka result kum kaba sngewtynnad bad pynpaw ia ka jingkmen ba ka BJP kala jop kum ia party ba bun eh hapdeng ka kynhun iatreilang.
Haba kren sha ki lad pathai khubor ha ka sngi Thohdieng, u Momin ula pynbna “Ha u 2028, ngin sa ai sha phi ia ka result ka ban pynkyndit ha Meghalaya”.
Haba kylli ia ka jinglah ka party ban nang pynbun ia ki MLA ha Jylla, ula pynthikna, “Khlem pep, haba u LK Advani bad Atal Bihari Vajpayee ki don tang arngut ha u snem 1984, khlem pep ha u 2028, ngi don arngut ki MLA, ngi lah ban nang bun bad phin sa iohi ia ka jingkiew”.
“Khlem pep, ngin sa ioh ia ka double-digit (10 shaneng) ha u 2028 ha Meghalaya” ong u Momin.
Haba iadei bad ka jingpynkhreh ia ka elekshon GHADC, u Momin ula ong ba ka party kala trei shitom bad ka khmih lynti ba kan nang ioh kham bun ki seat ha kane ka kynti.
