Shillong, Naiwieng 14 : Ka Kynhun Myntri ka Sorkar Jylla ha ka sngi Thohdieng, kala ai jingmynjur ban thung biang ia u Justice Shivaji Pande kum u President ka Meghalaya State Consumer Dispute Redressal Commission (MSCDRC).
Haba kren sha ki lad pathai khubor hadien ka jingialang, u Myntri Sorkar Bah Wailadmiki Shylla ula ong ba ka somoi treikam ba mynta jong u Justice Pande kan kut ha ka 6 tarik Nohprah 2025 bad kat kum ki kyndon kiba don, u lah ban ioh biang ia ka samoi treikam ba saw snem, kat kum ka rta bala buh ba 67 snem.
Nalor kane, ka Kynhun Myntri kala phah ruh ia ka kyrteng jong ki saw ngut ki dkhot ka Commission. Kine ki kynthup ia u Major Unsambyntalang Nongsiej, Rupa Paul Chaudhury, Nelisa F Kharshiing bad Bijloy A Sangma.
U Myntri u pyntip ruh ba ka Kynhun Myntri kala ai jingmynjur ia ka service rule na ka bynta ka Meghalaya State Consumer Dispute Redressal Commission (MSCDRC), ka ban pynlah ia ka Commission ba kan thung iala ka jongka Recruitment Board ban thung nongtrei.
.){kind=link}