Shillong, Naiwieng 14 : Ka Sorkar Meghalaya Democratic Alliance (MDA) ha ka sngi Thohdieng kala ai jingmynjur ban pynkylla (amendment) ia ka Rule 6 (d) jong ka Meghalaya Ministerial District Establishment Service Rules, 2017.
Kane ka amendment ka ong ba 50% ki kam Group D ha ki State Ministerial District Establishment, nangne shakhmat yn pyndap noh napdeng ki nongtrei Casual ba trei khlem pat sangeh kam (regular).
Ia kane ka rai la shim da ka Kynhun Myntri kaba la shong jingialang ha ka sngi Thohdieng.
Haba kren sha ki lad pathai khubor hadien ka jingialang, u Myntri Sorkar Bah Wailadmiki Shylla ula batai ba ka amendment ka pynbeit ia ki kynrum kynram kaba la slem bha, kiba mih na ki Office Memorandum (OM) ba iapher kawei ia kawei pat.
Ka OM ba pynmih ha u snem 1996 ka ong ba 50% la ai bhah ia ki regular casual worker ne ki nongtrei casual ba khlem pat sangeh kam katba ka OM u snem 2017 ka ong ba baroh ki kam Group D dei ban pyndap lyngba ka jingpynrungkam beit beit ne direct recruitment.
“Ngi la pynlong shai mynta ka sngi ban gin iaid noh da ka OM u snem 1996” ong u Bah Shylla haba bynrap ba kane ka amendment ka iaid lang kat kum ka Rules bad kan pynthikna ba ka jingpyntreikam ia ka bhah 50% kan sdang naduh mynta.
 ha ka sngi Thohdieng kala ai jingmynjur ban pynkylla (amendment) ia ka Rule 6 (d) jong ka Meghalaya Ministerial District Establishment Service Rules, 2017.){kind=link}