Shillong, Naiwieng 13 : Ka Shillong Lajong, ka la ioh rah ia ka nam kum ka lahduh jong ka lympung ialehkai Super Cup 2025, ka Shillong Sports Association hadien ka jingpynliem ia ka Rangdajied United FC da 3-1, hynne ka janmiet sngi Palei ha SSA Stadium, Polo.
Haba phai sha ka jingiakhun, ka Rangdajied United FC, kaba la kham nion bad ialehki bha marsien ia sdang jong ka kylla step, ka la ioh ia ka kabu ksiar ka jong ka ban tam shakhmat da shi kol Denelson Pyngrope kaba la wan haka minit kaba 25, kaba shipor, ka la sdang ba kan tynjuh bad nion bor bah ia ka kynhun ialehkai ka Shillong Lajong, ha kaba ka stadium, ka la kham I shongshit da ka jingwan ban sakhi u paidbah ba bun uba la sliang bad thrang ban iohi ia kawei pat ka rukom ialehkai, katno tam lei lei na kine ki ar kynhun, kiba don ha ki ia ki khynnah ialehkai, kiban dang bteng ban jam shakhmat ha ka jingim ialehkai ka jong ki.
Advertisement
Hadien ba la shah tam da kane ka shi kol, ka Lajong kam shim la kynran dien, hynrei ma ki ruh ki la bteng ban kham kyntiew ia la ka rukom ialehkai bad ban nym shah tyllep ha katta ka mynsiem ka jingshah ban bor bah hakhmat ka Rangdajied, bad ha shwa ba ka jingiakhun kan khreh ban jam sha ka jingiashong thait, ka Lajong ka la ioh ia ka kabu ksiar ba kan shut ia ka penalty, kaba hangne u Ïohborlang L Lyngkhoi u la tur beit beit shakhmat ban shut khlem pynlehnoh ia ka bol kaba la lah ban pynkhih syndon ir ia ka jar.
Haba wan ban bteng ia ka kylla miet, ka Lajong hapoh ka jingialam u bah Bobby L. Nongbet kum u coach, ki la rung da ka mynsiem ba kut jingmut skhem ba long katba ka long ki minit kiba dang sah ka kylla miet, kan dei ki minit ba kin iakhun naka bynta ban rah ia ka jingjop, kaba ha kum kane ka sur, ka la ioh ba kan thep ar kol kiba la wan lyngba u Wilbert Marbaniang (55′, 72′), bad kane hi ka la biang pura ia ki ban rah ia ka nam kum ka lahduh, kaba la biang pura syndon ia u ba un rah ia ka nam t7 Player of the Match.
Advertisement
U kongsan ba la wan ban ia sakhi lang ia kane ka phainal dei u Myntri rangbah ka jylla u Conrad K Sangma, ryngkat u myntri ba dei khmih ia ka tnat Sports & Youth Affairs u bah Wailadmiki Shylla, u Adviser ia u Myntri Rangbah u bah Paul Lyngdoh MLA, President ka SSA ba dei ruh u MLA bah Banteidor Lyngdoh, ki nongialam bad ki dklhot ka SSA bad kiwei kiwei.
Da kane ka nam jop, ka kynhun ialehkai ka Shillong Lajong ki la ioh ba kin khur ia ka song pisa kaba long 2 lak tyngka katba ka Rangdajied United FC, ki la ioh ban rah ia ka song pisa kaba 1 lak tyngka, bad nalor kane, ka SSA ka la sam ruh ia ka song pisa lem bad ka trophy sha ka kynhun ialehkai ka Langsning FC, kaba la rah ia ka nam kum ka lahduh jong ka lympung ialehkai Shillong Premier League, kaba la ioh ba kan rah ia ka song pisa kaba long 6 lak tyngka, katba ka Shillong Lajong kaba wan ba-ar ka la ioh ia ka song pisa kaba long 3 lak tyngka.
Nalor katta la sam ruh ia ka khusnam Top Scorer sha u Loving Suting ka Mawlai SC, hadien ba u la ioh ba un thep haduh 7 tylli ki kol ha ane ka samoi ialehkai ba mynta jong ka SPL.
Ha ka por ba ka jingiakhun ka la jam sha ka jingiashongthgait, u Conrad K Sangma lem bad u bah Wailadmiki Shylla, ki la hiar sha madan naka bynta ka jingpyllait paidbah ia ka trophy jong ka SSA Champions Cup, League-Cum-Knockout ban iakhun da ki kynhun bad team ba rah ia ka nam lahduh bad ba wan ba-ar na baroh ki lympung ialehkai kiba la long mynta ka samoi, kaba la buh ba kan sdnag naduh ka 24 tarik mynta u bnai.
Ha kane ka jingpyllait paidbah ia ka trophy,u bah Wailadmiki Shylla, u la pynbna ba na ka liang ka tnat Sports kan ai ia ka song iarap pisa kaba long 10 lak tyngka
