Shillong, Naiwieng 05: Ka Joint Action Committee (JAC) ba kynthup ia ka Jaintia Hills Truck Owners Association (JHTOA) bad ka East Jaintia Hills Truck Owner & Transporter Association (EJHTOTA), kala kyntu ia ka Sorkar Jylla ba kan tuklar lem ha ka ban pynthikna ba ki trok ba kit dewbilat bad clinker ki dei ban ioh iaid noh ha surok NH-6, kaba la khang pyrshah da ka jingiakhih ka MCTODA bala iaid la shitaiew tam.
Ka JAC kala shim ia kane ka rai ha ka jingialang bala lum kyrkieh ha ka janmiet sngi Nyngkong ha East Jaintia Hills hapoh ka jingialam u Chairman bad Secretary Biangshwa Shylla bad Kyrshan Dkhar.
Kat kum ka kyrwoh, ka JAC kala rai ban phah beit ia ki trok kit dewbilat bad clinker ba kin iaid noh naduh mynta ka sngi haba dawa ia ka Sorkar ba ka dei ban pynthikna ba ym dei ban don kano kano ka jingpynthut ia kine ki trok ha shilynter lynti jong ka surok NH-6.
Ka JAC kala pynshai ba kam don bynta eiei ruh em ha ka jingiakhih jong ka MCTODA haba pynpaw ia ka jinglyngngot ba ki trok kit dewbilat bad clinker jong ka, kila shah bat lang. Ka ong ba ka jingkhang ia kine ki trok ba kin kamai tang na ka daw ka jingiakhih ka MCTODA, kala wanrah ia ka jingduhnong kaba khraw ia ki trai trok, ki nongniah kiba don ha ka lama jong ka JAC khamtam ban pyndap ia ki jingdonkam ka iing ka sem, siew ia ka ram ka shah ba thied trok bad kiwei kiwei.
Ka JAC kala pynkynmaw ba hashuwa ba ka MCTODA kan sdang ia ka jingiakhih, ka Committee kala leit kyrpad ia ki nong ialam ban ym bat ia ki trok ka JAC hynrei la kynnoh ba ka MCTODA ka khlem burom satia ia ka jingkyrpad. “Namar kata, ngi la hap ban shim noh ia kane ka rai kaba mynta”.
Halor ka dor kit mar bala buh da ka Sorkar Jylla kaba kynnoh khlem burom satia da ki karkhana, ka JAC kala pynpaw ba kam shym la shongkli kti hynrei kala dawa na ka Sorkar bad ka JHCMA ban pynkiew ia katei ka dor bad ka bhah jong ki trok na ri-lum Jaintia khnang ban ia-im lang.
La pyntip ba dang shen, ka JAC kala leit buddien ia katei ka mat jingdawa na ka Sorkar bad ka JHCMA bad kala aiti ruh sa kawei ka dorkhas ha ka 12 tarik Nailar, 2025 bad la pynbud sa ka dorkhas na ka EJHTOTA ba 4 tarik Nailur.
Ka pyntip ba ka Sorkar kala ai ka jingkular ba kan sa lum shen ia ka jingialang jong baroh ki kynhun ba don bynta halor kane ka kam .
 ba kynthup ia ka Jaintia Hills Truck Owners Association (JHTOA) bad ka East Jaintia Hills Truck Owner & Transporter Association (EJHTOTA), kala kyntu ia ka Sorkar Jylla ba kan tuklar lem ha ka ban pynthikna ba ki trok ba kit dewbilat bad clinker ki dei ban ioh iaid noh ha surok NH-6, kaba la khang pyrshah da ka jingiakhih ka MCTODA bala iaid la shitaiew tam.){kind=link}