Shillong, Naiwieng 03 : U President ka United Democratic Party (UDP) Bah Metbah Lyngdoh ula pynpaw ia ka jingkyrmen ban lah leh bha ka party ha ka elekshon Garo Hills Autonomous District Council (GHADC), ka ban long ha u snem ban wan.
Haba kren sha ki nongthoh khubor ha ka sngi Nyngkong, u Bah Metbah ula iathuh ba ka party kala thung ia ka kynhun ka ban khmih ia ka bha ka miat ka party ha Ri-lum Garo bad ban ithuh ia ki kyrtong kiba don jingkyrmen ban jop na ka bynta kane ka elekshon.
“Ngi la bynshet ha kane ka kynhun ban ithuh ia ki briew ne ki kyrtong kiba kwah mih madan bad kiba don hala ki constituency na ka bynta ka elekshon ban wan ka GHADC” ula ong.
Haba kylli la ka Congress kan buh jingma ia ka UDP ha ri-lum Garo, u Bah Metbah ula jubab, “Em, ngam tharai….ka politics ka dei ka politics, hynrei ngam iohi ia kano kano ka jingktah haba phai sha ka UDP”.
Ka UDP ia mynta ka don uwei u MDC ha ka thain bad u Bah Metbah ula ban jur ia ka jingkongsan jong ki nongmihkhmat paidbah ha kaban shakri bha ia ka constituency.
 Bah Metbah Lyngdoh ula pynpaw ia ka jingkyrmen ban lah leh bha ka party ha ka elekshon Garo Hills Autonomous District Council (GHADC), ka ban long ha u snem ban wan.){kind=link}