Shillong, Risaw 21: Ka Kynhun ki pulit Anti Narcotics Task Force (ANTF), ka Special Operation Team (SOT), ki Ophisar ka tnad Excise bad ka Forest, ha ka sngi Ba-ar, kila hiar leit jynrat bad pom naphang ia ki dieng ganja kiba rep ha ka shnong Laitlulong, kaba hap hapoh ka Hima Sohiong.
Ia kane ka jingpynjulor ia ki dieng ganja la khmih bad sakhi da u Block Development Office (BDO) ka Sohiong C&RD Block, uba dei ruh u Magistrate.
Ka Kynhun ki Pulit kiba don haduh 120 ngut tam, kynthup kiba na Shillong bad na Sohiong, kila rung ha man ki iing kiba rep ia ki dieng ganja ha ki kyrpong iing, phyllaw bad ha ki Kper khlem da ieh shuh wat tang uwei u dieng ruh.
Kine ki bor Sorkar kila pynpaw ia ka jinglyngngoh ban iohi ia ka jingjur ka kam rep ganja ha ka thain bad shaiong ruh ba ki nongshongshnong kila jied ban rep da ki ganja ha ka jaka ki jhur ki jhep.
Lah ban kdew hangne, kane ka thain ka dei kaba la bna nam bha halor ka kam rep ganja-ia uba ju wan khaii sha Sor Shillong bad kylleng ki jaka.
U Superintendent of Police ka East Khasi Hills Bah Vivek Syiem u pyntip ba ia une u ganja ha rep ha ka jaka kaba heh kumba 5 hectare.
Ula pynkynmaw ia ki paidbah ba ka jingrep ia u ganja ka dei ka kam bymman bad kan khring ia ki kyndon bapher bapher ka NDPS.
U Rangbah Shnong ka Laitlulong Bah Lawstar Kharkrang u pyntip ba une u ganja u dei uba shu mih hi bad ki paidbah ki ju pyndonkam ia u ban pynkylla sboh da kaba buh ha ki sem masi bad sem sniang.
Ula pyntip ba ki bor Sorkar kila bthah ia u ba un hukum ia ki nongshongshnong ba ki dei ban iapom lut ia baroh ki dieng ganja ba mih ha ki jaka jong ki hapoh ka arsngi-lai sngi ban wan. U iathuh ba ki Pulit kila aiktien ruh ba kin sa wan jurip biang ha kine ki khyndiat sngi ban wan ha kane ka shnong.
, ka Special Operation Team (SOT), ki Ophisar ka tnad Excise bad ka Forest, ha ka sngi Ba-ar, kila hiar leit jynrat bad pom naphang ia ki dieng ganja kiba rep ha ka shnong Laitlulong, kaba hap hapoh ka Hima Sohiong.){kind=link}