Shillong, Nailur 14: U Myntri ka Tnad ka koit ka khiah ka Jylla James K Sangma hynne ka sngi Balang ula pyntip ba ki don palat 20 tylli ki shnat teikam hapoh ka Tura Hospital.
Haba jubab ia ka jingkylli bala wanrah da ka MLA ka Selsella ka Ferlin CA Sangma ha Iingdorbar, u James ula ong ba ki tiar sumar kiba don ha ki shnat bapher bapher ki dei kiba biang lut ban tohkit bad ai jingsumar ia ki nongpang kat kum ka jingpang ba ki don.
Hynrei ula ong ba kine ki shnat kim pat biang satia ia ka jingdon ki nongtrei kat kum ki kyndon treikam.
“Ka Sorkar kala shim ia ki sienjam ban leh eiei halor kane ka bynta” ong u Myntri.
