Shillong, Risaw 13 : Ka Khynnah 17 snem Sebenia Mawlong kaba la pynbna ba jah naduh ka sngi U Blei nala iing na Mawlai Nongkwar Block-6, la lap noh hynne ka janmiet sngi Nyngkong.
Kat kum ka jingiathuh ka Kmienah, ka Sebenia kala leit sha ka jinglehkmen sngikha bad la ki jong ki paralok.
Ka iathuh ba pyntip ba kala ioh pdiang ia ka phone call ba pyntip ba ka Sebenia ka don ha Mawlai Mawiong bad la ka jong ka paralok.
Hadien bala lap, ia ka Sebenia la ialam noh sha Mawlai Police Station ban kylli jingkylli, namar ki bahaiing kila ujor b aka jah rngai hynne ka step.
Ka Kmienah ka pyntip ba ka Sebenia kala pan jingbit na ka kmie hashuwa ba kan leit hynrei ka Kmie kam shym la shah satia. Hynrei dei ha ka por ba ka kmie ka dang iohthiah, kala mih la ka mih bad leit sha kane ka jingialehkmen sngikha khlem da pyntip iano iano ruh, kaba pynkhuslai ia ki bahaiing hasem bad lam sha ka jingujor sha ki Pulit.
