Shillong, Risaw 11: Ban kyntiew ia ka kam ialehkai, ban pynkupbor iak I samla bad ban kyntiew ia ka kam jngohkai, ka sorkar jylla kala iasoi ia ka Memorandum of Understanding (MoU) kaba 3 snem bad ka Northeast United Football Club (NEUFC) ban pyniaid shakhmat ia ka jingthmu ban kyntiew ia ka jingiohi jngai jong ka jylla ban pynlong kum ka nongbah jong ka jingialehkai Football hapoh ri India.
Kane ka jingiatreilang kan long naduh u snem 2025 haduh u 2028 ban wanrah lang hajuh ia ka Department of Sports & Youth Affairs bad ka NEUFC ban kyntiew ia ka kolshor jong ka jingialehkai football, ban pynshlur ia ki samla ban iashimbynta bad ban buh ha ka kyrdan ia ka Meghalaya kum ka Top Sports Tourism.
Hapoh jongka MoU, ka Shillong sa shisien kan sawa jam ia ka jingpyrta ban ai jong ki nongkyrshan ia ka football khamtam haba ka NEUFC kala pynkhreh ban pynlong ia ki jingiakhun ia ka Indian Super League (ISL) hapoh ka nongbah, 4 sien mynta ka aiom bad 6 sien ha u snem ban wan bad 8 sien ha u snem uba kut.
Yn sa pynkhreh bad pyniaid shakhmat ban pynlong ia ki Football Camp, jingai jinghikai ia ki Coach, Fan Parks bad ka prokram ai jingpynsngewthuh ia ki samla ha kylleng ki bynta jong ka jylla ban saindur naduh na ki shnong ki thaw bad ban kyntiew ban iadonbyntalang.
Ban pynneh pynsah ia kane ka sienjam, ka Tnad Tourism kan bei T.5 Klur, katba ka Tnad Sports & Youth Affairs kan noh synniang T.2 Klur, T.3 Klur bad T.4 Klur ha kine ki 3 snem.
Lyngba kane ka jingiatreilang yn iohi ruh ba ki nongialehkai ka NEUFC ryngkat bad u John Abraham uba longtrai lang ia ka kynhun ialehkai ban iashimbynta ha ka Meghalaya Youth and Tourism Campaign, ban kyntiew ia ka jinglong kyrpang jong ka jylla kum ka shlem ialehkai football bad ruh kum ka jaka kaba biang tam ia ki nongjngohkai.
Ia kane ka MoU la iasoi da ka Kong B.L. Pakyntien kaba long ka Director jong ka tnad Tourism, u Bah P.B. War Nongbri u Assistant Director jongka tnad Sports & Youth Affairs bad u Rohit Thorat uba mihkhmat ia ka Northeast United Football Club.
 kaba 3 snem bad ka Northeast United Football Club (NEUFC) ban pyniaid shakhmat ia ka jingthmu ban kyntiew ia ka jingiohi jngai jong ka jylla ban pynlong kum ka nongbah jong ka jingialehkai Football hapoh ri India.){kind=link}