Shillong, Risaw 11: Ka Jaintia Students Union – Shillong Circle (JSU-SC) ka la kyntu ia ka sorkar jylla ban pynkhlain bad pyntreikam ia ki Local Defence Organisation (LDO) ha kylleng ka jylla, hadien ka jingjia ba dang shen kiba la jia ki kam pyniap ia ki khynnah kaba la pynkyndit shi katdei ia ki paidbah nongshong shnong ka jylla.
Ka JSU ha ka shithi kaba la ai sha u Symbud Myntri Rangbah uba dei peit ia ka tnad kam pohiing u bah Prestone Tynsong, ka la pynpaw ia ka jingsngewkhia kaba jur halor ki jingjia ba ju jia man ka por, kaba la wanrah ia ka jingsyier ia ki kmie ki kpa bad ia ki paidbah nongshong shnong.
Ka seng kala ai jingmut ba ki LDO kin iatreilang bad ki pulit, ki lah ban don ka bynta kaba kongsan ha kaba pynneh ia ka suk ka sain, ban kyrshan ia ki jingpahara miet, bad ban pyntip ia ki kam kiba ki suba.
“Ka jingïashim bynta shitrhem jong ki LDO kan ïarap shibun ban ïada ïa ki shnong ki thaw jong ngi bad ban ïada na ki jingjia ba sngewsih,” ong u nongaibuit ka JSU u Bah A. Suchiang.
Ka JSU-SC ka la kyrpad ia ka sorkar ba kan shim ia ki sienjam ba donkam ban pyntreikam biang bad ban pynthikna ia ka jingtreikam biang jong ki LDO ban pynthikna ia ka jingsuk bad jingshngain jong ki nongshong shnong, khamtam ia ki khynnah rit.
 ka la kyntu ia ka sorkar jylla ban pynkhlain bad pyntreikam ia ki Local Defence Organisation (LDO) ha kylleng ka jylla, hadien ka jingjia ba dang shen kiba la jia ki kam pyniap ia ki khynnah kaba la pynkyndit shi katdei ia ki paidbah nongshong shnong ka jylla.){kind=link}