Guwahati, Risaw 8: Ka kynhun Special Investigation Team (SIT) ha ka sngi Balang kala kem noh ia u Deputy Superintendent of Police (DSP) Sandipan Garg, uba dei u para jong u nongrwai ba pawnam ka Assam u Zubeen Garg ha kaba iadei bad ka jingkhlad noh jong une u nongrwai ha Singapore.
U Garg, uba dei shipara ar kmie bad u nongrwai ba la khlad noh, bad u dei uba ia don lang ha ka yacht ha Singapore ha ka por ba jia katei ka jingjia.Ia u Sandipan la kem hadien ka jingtohkit hapoh ka ophis trei kam jong ki CID ha Guwahati.Ia u la rah noh sha CJM Court.
U Sandipan u dei u wei napdeng napdeng ki briew kiba la shah kylli jingkylli da da ka SIT ha kine ki khyndiat taiew.Ha ka jingthoh jong u ba dang shen ha Facebook, u Sandipan Garg u la ong, “Nga la ïatreilang pura bad ka SIT,” hadien ka jingtohkit marathon.
Ka jingtohkit halor ka jingiap u Zubeen Garg, ka la iohi ia ki jingjia kiba bun jait ha kine ki khyndiat sngi ba ladep.
Ha ka 1 tarik u Risaw, ka SIT ka la kem ïa arngut ki briew kiba ha khmat eh, kata u Siddharth Sharma, uba dei u Manager jong utei u nongrwai bad u Shyamkanu Mahanta, uba dei u festival organiser uba la pynbeit ïa katei ha Singapore.Baroh arngut ki la shah pynngat ha ka jingpyniap briew.
Ka SIT kaba la kem ïa u nongpynïaid ka North East India festival organiser u Shyamkanu Mahanta, u manager jong u Zubeen Garg u Siddharth Sharma, u nongtem drum u Shekhar Jyoti Goswami bad u wei pat ba ia rwai lang u Amritprabha Mahanta, ka la bteng ban kylli jingkylli bad ïa ki jingkren jong ki briew bapher bapher.
“Nga kyrmen skhem ba baroh na Singapore kiba donkti kin iadon bynta lang ha ka jingtohkit shen. Ka thong ba kongsan jong ngi ka long ban tip thikna ia kaei kaba la jia ia u Zubeen Garg bad kumno u la khlad noh. Don ki riew shimet kiba la kynnoh ba ki pulit jong ka Singapore ki khanglad ia ki ban wan sha India, lane ba ki kam jong ki kin don ha ka jingma lada ki wan ban shah tohkit,” la ong u Biswaman Hirmata u Myntri Rangbah ka jylla Assam.
 ha ka sngi Balang kala kem noh ia u Deputy Superintendent of Police (DSP) Sandipan Garg, uba dei u para jong u nongrwai ba pawnam ka Assam u Zubeen Garg ha kaba iadei bad ka jingkhlad noh jong une u nongrwai ha Singapore.){kind=link}