Shillong, Risaw 03: Ka Jaintia Students’ Union (JSU) kala dawa ia ka Directorate of Health Services (DHS) ba kan pynbeit biang ia ka merit list bad ka jingai bhah pule nalor ban pynkynriah noh ia ki kyrtong Khasi bad Jaintia ba dei ban ioh ia ka bhah pule, sha ka open category khlem da pynkylla ia ki bhah college/jaka pule ba ki don mynta hapoh ka 7 sngi.
Kane kala mih hadien ka jingkynnoh leh bym hok ha ka merit list bad ka jingai bhah pule ia kibe leit pule MBBS hapoh ka central pool quota.
Ha ka shithi ujor bala aiti sha ka DHS ha ka sngi Thohdieng, ka JSU kala kam ba ki samla pule Khasi bad Jaintia kiba pass bha, kila shah kyntait ban ioh jaka ha ka open category watla ki don ioh bun marks ha ka NEET ban ia kiwei ki kyrtong bala jied.
Ka Seng kala lap ia ki katto katne ki jingduna ha ka thup bala pynmih, kynthup ka jingbuh ia ki kyrtong ba ioh duna ka marks ha ka NEET hapoh ka open category kham shakhmat ban ia ki samla pule Khasi bad Jaintia kiba ioh kham bun ka marks.
Ka seng kala kdew ruh ia ki katto katne ki samla pule na ka thup Khasi bad Jaintia, kiba la shah phai lyndet ban pynioh ia kiwei pat ki kyrtong ba kham shadien ha ka open category.
Ki samla pule na ka thup Khasi bad Jaintia (Rikor Nongkynrih) ba ioh ia ka NEET score (475) kala shah buh harum jong ka Diya Ghosh kaba ioh 472 ka score, ha ka Open Categrory haba bynrap b aka kyrtong ba don ha ka kyrdan ba 7 ha ka thup Khasi Jaintia (Suwandaka Wann) kaba ioh ia ka NEET score ba 443 kala wan hapoh jong ka kyrtong Open category (Tanushka Chakravorty) kaba ioh ia ka NEET score ba 442.
Kala kynnoh ruh b aka samla pule na ka thup Khasi bad Jaintia (Amebaaihunsha Kharbhih) kaba ioh ia ka NEET scrore ba 445, kala ioh ia ka jaka pule ha RIMS, Imphal katba ka kyrtong Open Category (Tanushka Chakraborty) kaba ioh 442 ka score, kala ioh lang ia ka bhah pule ha kajuh ka jaka pule.
“(Ngi dawa) ban rah noh mar mar ia ki 8 ngut ki kyrtong na ka thup Khasi bad Jaintia (Rikor Nongkynrih ba ioh 475, Niki Arrisa Shylla ba ioh 468, Rapmi Toi ba ioh 467, Bryan Lionel Nongsiej ba ioh 463, Phibankyntiew Kharkongor ba ioh 449, Amebaaihunsha Kharbhih ba ioh 445, Suwandaka Wann ba ioh 443, bad Eleazer Vincent Lyngdoh ba ioh 442), sha ka Open Category. Pynthikna ruh ba kam dei ban don ka jingpynkylla ia ka jaka pule ba kila ioh mynta (kum ka nuksa, RIMS, Implal, Lady Harding MC) ha kane ka jingrah” ong ka JSY ha ka shithi ujor.
Ka JSU kala dawa ban pyndonkam ia ki bhah pule ba lait ban ai jaka shuh shuh ia ki samla pule Khasi bad Jaintia kiba don ha ka waiting list, ka ban pyniohnong shuh shuh ia ka Jaidbynriew.
“Shimkhia kyrkieh noh mar mar ia kane ka kam namar ka por ban pynbna ia ka jingpdiang ia ki seat bad jingiasoi ia ka bond ha ka 3 tarik Risaw, 2025. Pynmih ia ka jingpynbeit bad pyllait ia ka thup ba thymmai ha ka meghealth.gov.in kham kloi kat kaba lah. Ai ia ka jubab kaba bniah halor ka jingujor hapoh ka 7 sngi” kala ong.
 kala dawa ia ka Directorate of Health Services (DHS) ba kan pynbeit biang ia ka merit list bad ka jingai bhah pule nalor ban pynkynriah noh ia ki kyrtong Khasi bad Jaintia ba dei ban ioh ia ka bhah pule, sha ka open category khlem da pynkylla ia ki bhah college/jaka pule ba ki don mynta hapoh ka 7 sngi.){kind=link}