Shillong, Nailur 24 : Ka Iingkashari Meghalaya High Court kala bthah ia u Superintendent of Police (SP) ka West Garo Hills ba un kyntu ia ki Nongtrei ba iakhih ba kin kynriah noh na phyllaw ka GHADC hapoh hynriew sngi bad ban nym pynthut ia ki nongtrei kiba kwah trei.
Ia kane ka jingbthah la pynmih hadien ba shong bishar iaka Public Interest Litigation(PIL) bala mudui da u Tokyo R Marak, uba la kyrpad ia ka Iingkashari ba kan tuklar ha ka ban pynbeit noh ia ka jinglong jingman ba mynta kaba mih na ka jingsangeh trei ba dang bteng jong ki Nongtrei Non-Gazetted ka GHADC.
Ka jingsangeh trei kaba la sdang naduh ka 29 tarik Naitung,2025, kala pyndkoh ia ka jingtreikam jong ka GHADC, bad ktah pat ia ki paidbah. Ki nongtrei Non-Gazetted kila iakhih namar ka jingbym ioh tulop la 43 bnai bad kiwei kiwei ki jingdawa.
La bthah ruh ia u nongmudui ban phah notice sha u President lane u Secretary ka Non-Gazetted Employees Association (NGEA) lyngba u SP.
Ka Iingkashari Division Bench ba kynthup ia u Acting Chief Justice HS Thangkhiew bad Justice B Bhattacharjee ha ka hukum ba pynmih ha ka sngi Balang ka ong “La bthah ia u SP ka WGH, ban shim iaki sienjam hapoh hynniew sngi ba un pyntip sha u nongshah mudui No.5, President ka Association bad ka jingdon ka PIL bad ban kyrpad ruh ia ki nongtrei ba iakhih ba kin kynriah noh ialade n aka jaka rung sha phyllaw ka GHADC bad ban nym pynthut ia ki briew kiba kwah ban trei”.
“La khmih lynti ba u nongshah mudui No 5, u dei ban iaid kat kum ka jingkyrpad ka ban wan na u SP bad ban nym pynthut ia ka jingtreikam jongka GHADC, lem kumta kan pynbor ia kane ka Iingkashari na ka bynta ka bha ka miat u paidbah bad ka jingbishar bah ok, ba kan pynmih shuh shuh ia ki hukum” kala bynrap.
Haba shong bishar, u Advocate General ula pyntip ia ka Iingkashari ba ka Sorkar Jylla kala dep tyrwa ia ka song jingiarap da kaba mynjur ban siew ia ka tulop ba manla u snem sha ki nongtrei non-gazetted naduh u Naiwieng 2025, kynthup ia ki arrear jong kine ki san bnai bala leit bad ruh ka jingtyrwa jong ka GHADC ba kan siew noh ia ka tulop ba 12 bnai ia kaba ka NGEA kala pyneh bad kam treh pdiang.
Ia kane ka kam la buh ban shong bishar biang ha ka 7 tarik Risaw, 2025.
 ka West Garo Hills ba un kyntu ia ki Nongtrei ba iakhih ba kin kynriah noh na phyllaw ka GHADC hapoh hynriew sngi bad ban nym pynthut ia ki nongtrei kiba kwah trei.){kind=link}