Shillong, Nailur 22 : U Myntri ka Tnad Pule Puthi Bah Lahkmen Rymbui ula kyntait ban kynthih halor ka jingkynnoh ba ka University of Science & Technology Meghalaya (USTM) ka kyntur pud sha ka jaka jong ka Tnad Khlaw, haba pynpaw ba kane ka kam ka dang don ha ka jingbishar ka Iingkashari.
Ka Central Empowered Committee (CEC) bala thung da ka Iingkashari Supreme Court kala ai jingmut ban dain kuna ba T.150 klur ia ka USTM namar ka jingpyndonkam ia ka jaka khlaw khlem da ioh ia ki jingmynjur ba donkam.
Ka kaiphod ka CEC ka pynpaw ba ka USTM kala kyntur jan kumba 25 hectare ka jaka khlaw ha Ri-Bhoi District, kaba pynkhein ia ka Forest Conservation Act, 1980.
Ka Committee kala kyntu ia ka Supreme Court ban bthah ia ka USTM ba kan thung dieng biang ha ki jaka ba shah ktah ba kin long khlaw biang kumba ki long hapoh ka shisnem nalor ban siew ia ka kuna.
Haba kren sha ki lad pathai khubor ha ka sngi Nyngkong, u Bah Rymbui ula ong ba ka Sorkar kam lah ban kynthoh eiei halor kane ka kam tad haduh ban sa pynmih hukum da ka Iingkashari Supreme Court.
“Kane ka dei ka mukotduma ba don ha Iingkashari Supreme Court. Katba ka Iingkasahri kam pat ai ia ka hukum, ngam lah ban kynthoh eiei halor kane ka kam” ula ong.
U Myntri ula bynta ba ka Sorkar ka dang ap ruh ia ka rai jong ka Iingkashari Supreme Court, haba bishar ia ki jingai jingmut jong ka CEC.
 ka kyntur pud sha ka jaka jong ka Tnad Khlaw, haba pynpaw ba kane ka kam ka dang don ha ka jingbishar ka Iingkashari.){kind=link}