Shillong, Nailur 22 : U Myntri ka Tnad Informmation & Public Relation Bah Lahkmen Rymbui ula rai ban pynkylla ia ka rukom treikam jong ka Directorate of Information & Public Realation (DIPR) ba kan long ka tnad kaba im bad ba treikam bha.
Ha ka sngi ba nyngkong ha ka shuki kum u Myntri, u Bah Rymbui ula lum ia ka jingialang bad ki Ophisar ka DIPR ban bishar bniah ia ka rukom treikam jong ka Tnad bad ban iasyllok ruh halor ki jingthmu (plan) treikam ha ki sngi ban wan.
Haba kren sha ki lad pathai khubor hadien ka jingialang ha ka sngi Nyngkong,u Bah Rymbui ula niew ia ka Tnad DIPR kum ka tnad ba “iohthiah lyngngai” ha kane ka juk kor digital, haba ban jur ia ka jingdonkam ban pynkhie im ia ka.
“Ha kane ka juk ki social media bad ki jingtip kiba sted, ka long kum ka tnad ba iohthiah lyngngai. Kumta, nga kwah ban pynlong ia ka, ka tnad kaba im” ula ong haba bynrap “Phi tip ka DIPR ka dei ka tnad ba kongsan bha, ka ban pynsaphriang bad kaba pyntip sha ki paidbah halor ki policy jong ka Sorkar, kiei ki jingiarap bad kiwei ki jingjop jong ka Sorkar hynrei la iohi ba watla ki phah ia ki jingtip,hynrei ym hala ka jong ka website, hala ka jong ka social media page”.
U Myntri ula bthah ia ki Ophisar ban pynlong ia ka DIPR ka tnad kaba im ha kaba ki paidbah ki lah ban ioh ia ki jingtip kiba shisha.
“Kumta, nga la bthah ia ki ba ngin sa iashong jignialang biang bad pynlong ia kane ka Tnad kum ka tnad kaba im ha kaba ki paidbah kin lah ban ioh ia ki jingtip ba shisha napoh ka Tnad” ula ong.
 ba kan long ka tnad kaba im bad ba treikam bha.){kind=link}