Shillong Nailur 18: Ka Federation of Khasi Jaiñtia and Garo People (FKJGP) Upper Shillong Circle ha sngi Palei, kala leit iakynduh ia u General Manager ka NHIDCL ban dawa ba ki kompani kiba shna ia ka surok Four Lane naduh Umshyrpi ter ter, kidei ban pynsted noh ia ka kam khnang ba kan ym ktah ia ka leit ka wan jong ki paidbah.
Ka FKJGP hapoh ka jingialam jong u President ka FKJGP Upper Shillong Circle Samla Kitboklang Nongphlang kala dawa ruh ba ki kompani, ki kontraktor kidei ban maramot kloi ia ki katto katne ki bynta kiba la ktah bha iaka ka leit ka wan jong ki paidbah lyngba ka jingdheng kali kaba shyrkhei hi ki bynta jong ka Umshyrpi haduh Ladlummawbah, Shnong Sawmer hajan Sunny Site, Shnong Mawklot bad lad Lum Shyllong, 7mer hajan Elephant Falls, Shnong Pomlum hajan jong ka PHC bad shnong Bañiun ban leit sha Mylliem.
Katkum ka kyrwoh kaba laphah da ka FKJGP, kala pyntip ba na ka liang jong u General Manager ka NHIDCL ula ai ka jingpyntikna ba la kumno kumno kin pyrshang ban pyndep noh ia ka jingtrei ha ki bynta jong ka thaiñ Upper Shillong ha u bnai Nohprah 2025 lane ha u bnai Kyllalyngkot 2026.
Ka seng kala shimkhia ban kren ia katei ka bynta namar lyngba ka jingdheng kali kaba shyrkhei khlem pep kan sa ktah ia kiba bun ki samla pule kiban sa ialeh ia ki Examination bapher bapher ha kine ki khyndiat bnai kiban sa wan.
“U General Manager ka NHIDCL ula ai ka jingkular hakhmat ki nongialam jong ka seng ba un sa btah mardor ia ki kompani/kontraktor ba kin leh ia kaba donkam bad ba kin sa pynlong ruh ia ka jingleit jurip ha ryngkat ki nongialam jong ka seng khnang ba kan pynsuk iaka leit ka wan ki paidbah” pynpaw ka FKJGP.
Kila dawa ruh na u General Manager jong ka NHIDCL ban bthah ia ki kompani/kontraktor ban pyntikna ba ki nongtrei bylla kiba dei ki bar jylla, kidei ban pynbiang iaki kot ki sla kiba biang bad ba dei ban pyrkhing namar ba ym lah ban tip ba ioh lehse ki mynder kiba la shah kyndang na ka jylla Assam kin ioh ban riehtngen.
Ka iathuh ba u General Manager ka NHIDCL ula kular ban ai ka jingiatreilang bad ka seng khnang ba kan ym don satia kano kano ka jingdkoh jongka kam ban pyntrei ia katei ka surok bah.
Ha kajuh ka por, ka seng ka kyntu ruh ia ki Dorbar Shnong ba kin long kiba peitngor bha bad kumjuh ruh ban ai ka jingiatreilang bad ka seng ha kaba iadei bad ka jingwan buhai shnong jong ki briew kiba nabar bad kumjuh ruh ban tehlakam ia ki kam sniew kiba la sdang ban kynrei ha ka thaiñ naduh ki kam tuh kam thiem bad kumjuh ruh ban pyrkhing ia ka jingjyllei jong u Droks.
 Upper Shillong Circle ha sngi Palei, kala leit iakynduh ia u General Manager ka NHIDCL ban dawa ba ki kompani kiba shna ia ka surok Four Lane naduh Umshyrpi ter ter, kidei ban pynsted noh ia ka kam khnang ba kan ym ktah ia ka leit ka wan jong ki paidbah.){kind=link}