Shillong, Nailur 18 : Ka Senior Men’s Selection Committee ka Meghalaya Cricket Association (MCA) ka la wan shakhmat ba kan pynbna ia ki kyrteng ki 15 ngut ki player bad sa san ngur ki player pynap (standby), kiban khreh ban mihkhmnat ia ka jylla sha ka lympung ialehkai jong ka Ranji Trophy, ka BCCI, kaba dei naka bynta ka samoi ialehkai 2025-26.
Kane ka jingpynbna, ka long shwa tang naka bynta ki artylli ki jingiakhun, kaba ia mynta, u kapten jong ka kynhun un dei u Kishan Lyngdoh, katba u vice captain u dei u Akash Kumar Chaudhary, katba u Moisten Ch Marak un long kum u head coach.
Ha kane ka jingpynbna ia ka kynhun, la shem bad iohi ba u , Ajay Duhan, la pyhnrung biang sa shisien sha ka kynhun ialehkai, kaba dei ka samoi ialehkai kaba ar kum uwei na ki guest professional player, katba u Rahul Dalal, la lah ban pynrung thymmai pat sha kane ka kynhun, ia kaba la pdiang bad mynjur ia ka da ka BCCI, namar ba u dei u samla ba la pun la kha ha Haryana bad ba u la juh ialehkai kum guest professional bad ki jylla ka thain shatei lam mihngi, ha kaba u la mihkhmat ia ka jylla Arunachal Pradesh haduh ba kut jong ka samoi ialehkai 2023-24.
Ha kane ka samoi ialehkai kaba mynta, ia ka Meghalaya la pyniakap ia ka ha ka thup (group) ba don lang kiwei pat ki jylla kum ka Bihar, Arunachal, Sikkim, Manipur bad Mizoram, ha kaba ka jingiakhun ba nyngkong ka Meghalaya la buh ba kan long pyrshah ia ka Mizoram kaban sdang naduh ka 15 tarik u Risaw bud pat da ka jingiakhun pyrshah ia ka Sikkim kaban sdang naduh ka 25 tarik u Risaw bad baroh artylli kine ki jingiakhun la buh ban long hangne ha nongbah Shillong.
Ka jingpynkhreh jong ka kynhun Ranji ka Meghalaya kan sdang naduh ka 27 tarik mynta u bnai Nailur bad ban kut haduh ka 11 tarik u Risaw .
Kyrteng ki: Aaron AR Nongrum, Akash Chaudhary (VC), Arien B Sangma (WK), Arpit Bhatewara (WK), Aryan Borah, Bamanbha Shangpliang, Bijon Dey, Chengkam Sangma, Dippu Sangma, Jaskirat Singh Sachdeva, Kishan Lyngdoh (C), Kush Agarwal, Swastic Chettri, Ajay Duhan (BCCI-approved guest player), Rahul Dalal (BCCI-approved guest player)
Standbys: Abhishek Kumar, Arbin Singh, Agreas Chamcham A Sangma, Yogesh Tiwari, Tarique Siddique
Support staff: Moisten Ch Marak (Head Coach), Pyntngen Mark A Swer (Assistant Coach), Surojit Biswas (Physio), Vikash Singh Chauhan (Trainer), Banteibor Lyngdoh (Manager)
 ka la wan shakhmat ba kan pynbna ia ki kyrteng ki 15 ngut ki player bad sa san ngur ki player pynap (standby), kiban khreh ban mihkhmnat ia ka jylla sha ka lympung ialehkai jong ka Ranji Trophy,, ka BCCI, kaba dei naka bynta ka samoi ialehkai 2025-26.){kind=link}