Shillong, Nailur 14 : Ka Meghalaya Tourism Development Forum (MTDF) ka la khot ia ka jingiasyllok lang halor ki kyndon ban pyrrkhing ia ka jingwan ki nongkai pyrthei ha ka jylla, haba pynpaw ia ka jingsngewkhia halor ka rai ba dang shen jong ka All Khasi Meghalaya Tourist Taxi Association (AKMTTA) ban khanglad ne khang ia ki kali tourist ba wan na shabar ka jylla ba kin iaid sha ki jaka jngohkai ha nongkyndong.
Ka MTDF ka ngeit ba kum kine ki jingpyrrkhing ka lah ban ktah ia ka jingkiew ki kam jngohkai ha Meghalaya, kaba la kyntiew kum ka jaka wan peitkai ia ka spah mariang da kaba pynleit jingmut halor ka jingsngewtynnad ki paidbah bad ka jingmad ki nongwan jngohkai ia kiei kiei kiba kim pat ju mad. Ka Forum ka sngew ba kano kano ka jingpynwit ia ka iaid ka ieng ki nongjngohkai ka lah ban pynlong ia ki nongwankai ba kin kiar ha ka ban wan sha Jylla.
“Da ka jingburom kaba khraw, ngi pynpaw ba kum kine ki sienjam kan pynlong ia kaei kaei ka ngim kwah bad ka lah ban ktah jur ia ka jingroi ki kam jngohkai ha ka Jylla jong ngi. Ki nongjngohkai ki wan sha Meghalaya ym rang ka jingitynnad ka mariang, hynrei namar ka jingsngewtynnad ki briew bad ka jingmad shibun kiei kiei kiba pher. Kano kano ka jingpyrrkhing kaba lah ban pynthut ia ka leit ka wan, ka lah ban pynlong ia kiba bun ki nongjngohkai ban duh mynsiem ha kaban wankai sha Jylla” ong u Chairman ka MTDF Bah Laising Sawyan ha ka shithi sha ka AKMTTA.
Ka MTDF ka ban jur ba ki kam jngohkai ka dei ka karkhana jong ki kynhun bapher bapher bad ka rai halor ka tourism policy lane ka jingpyrrkhing ka dei kaba hap kdup lang ia baroh, da ka jingai jingmut na baroh ki kynhun.
Ka Forum ka kyntu ia ka Taxi Association ban kiar ha kaban leh ia kano kano ka kam shimet hynrei ban iatreilang bad ki kynhun bapher bapher khnang ban roi ka iew kam jngohkai bad ban wanrah ia ka rukom treikam ka ban pynmyntoi ia baroh.
The forum urges the taxi association to avoid unilateral actions and instead work collaboratively to grow the tourism market and build a sustainable model that benefits everyone.
“Ka MTDF ka shim ia ka bynta kaba khraw bha ha kaban kyntiew ia ka Meghalaya kum ka jaka jngoh kai ha ka por ba ka kam jngohkai ka dang sdang. Mynta hadien palat 20 snem, ngi sngewskhem ba ka kam jngohkai ha Meghalaya ka don ia ka lawei kaba phyrnai. Ngi don ruh ka jingsngew ba lada ka Meghalaya kala don ia ka kad liengsuin ba treikam baroh saw aiom bad ka high speed railway line, ka kam jngohkai kan ym kiew tang ha ri-lum Khasi bad Jaintia hynrei kan ai jingmyntoi bha ruh ia ki nongpyniaid ia ki local tourist taxi ha ka jingkit ia ki briew” ong u Bah Larsing.
“Ka kam jngohkai hi kumba ka long, ka dei ka kam ba don bynta da ki kynhun bapher bapher. Nalor ki nongpyniaid ia ki kali kamai, ki kynthup ruh ia ki hotel, resort, guest hoyse bad ki trai homestay, restaurant, café, guide bad ki dukan bad nongshna tiar ki bym lah niew shuh. Baroh kine ki kynhun ki don ia kajuh ka hok ba kumno yn pynwandur bad pyniaid ia ka kam jngohkai ha Meghalaya. Kumta, ka jingiasyllok bad ka rai halor ka tourism policy ne ki jingpyrrkhing ka dei ban kdup lang ia baroh, da ki jingai jingmut na baroh ki kynhun” ula bynrap.
 ka la khot ia ka jingiasyllok lang halor ki kyndon ban pyrrkhing ia ka jingwan ki nongkai pyrthei ha ka jylla, haba pynpaw ia ka jingsngewkhia halor ka rai ba dang shen jong ka All Khasi Meghalaya Tourist Taxi Association (AKMTTA) ban khanglad ne khang ia ki kali tourist ba wan na shabar ka jylla ba kin iaid sha ki jaka jngohkai ha nongkyndong.){kind=link}