Shillong, Nailur 14 : Ka Federation of Khasi Jaintia & Garo People (FKJGP) ka phah ia ka kyrwoh sngewlem sha ki bahaiing hasem halor ka jingkhlad noh jong u Dr.D.D.Lapang bad pynpaw da kaba ong “Ka dei ka jingduh kaba khraw ia ka Jaidbynriew…ngim lah niew shuh ia ka synniang jong u ia ka Jaidbynriew”.
“Ka Federation of Khasi Jaiñtia and Garo People (FKJGP) Central Body ka dap da ka
jingsngewsih kaba khraw halor ka jingkhlad noh kyndit noh jong I Dr. D.D. Lapang uba long
uwei na ki riew rangbah uba la noh synñiang shikatdei eh iaka jaitbynriew bad ia ka jylla hi
baroh kawei lyngba ka jylli saiñpyrthei kum u myntri sorkar bad kum u Myntri rangbah duh
jong ka Sorkar jylla” ong ka kyrwoh na u President bad General Secretary Bah Dundee C Khongsit bad Eldie Newton Lyngdoh.
Ka FKJGP ka pynpaw “Lada ngi kyrtiang dien shaphang ka jinglong jingim jong I Dr. D.D. Lapang mynba u dang im ha snieh jong kane ka sla pyrthei, kum ka jaitbynriew bad kum ka jylla hi baroh kawei ha ki bynta ki bapher bapher ngin ym lah satia ban jer bad ban ñiewtang ia uba bun bah u
synñiang u bynhei ia kaba utei u riew shemphang u la bet bad ia ki soh la iohi shynna tad
haduh mynta bad kan iai sah khana pateng la pateng”.
Ha kajuh ka por, ka FKJGP kala pynpaw “Ka FKJGP ka tip bad Sngewthuh shai ba ka jingkhlad noh jong utei u Riew Rangbah uba long uwei na ki Paia Khnong, ka long ruh ia jingduh kaba khraw ym tang ia ka ing ka sem hynrei ia ka jaitbynriew bad ia ka Jylla hi baroh kawei, Kumta na ka liang jong ka FKJGP Central Body, Ngi phah ia kane ka kyrwoh sngewlem sha phi kum ka ing hi baroh kawei ba u Nongbuh Nongthaw un syrpai syrpud ia ka Mynsiem b’la mong ba un ai ka jing pyntngen iaphi kum ka iing ha kaba kum kane ka por bad ngi duwai ruh ba ka Mynsiem jong u para shakri
jong ngi un ioh ia ka jing jahthait sha ki bymjukut”.
 ka phah ia ka kyrwoh sngewlem sha ki bahaiing hasem halor ka jingkhlad noh jong u Dr.D.D.Lapang bad pynpaw da kaba ong “ Ka dei ka jingduh kaba khraw ia ka Jaidbynriew…ngim lah niew shuh ia ka synniang jong u ia ka Jaidbynriew”.){kind=link}