Nongpoh, Nailur 10 : Ki Pulit ka Umsning Police Station ha ka sngi Ba-ar, kila lap ia ka metiap bala sah satang ki shynrong (skeleton) jong u rangbah, na ka khlaw kaba don hajan ka 6th MLP Battalion, Umran Niangbyrnai, Ri-Bhoi.
Ki Pulit ki suba jur ba kane ka met ka lah ban dei jong u Rangbah Carlos Tron ba na ka shnong Ummar, uba la jah rngai naduh ka 11 tarik Jylliew na Umran.
Ki pulit kilapyntip ia kane ka jingshem sha ki bahaiing utei u rangbah ba kin wan pynithuh ia ka met.
Kum ban shu pynkynmaw, u bah Carlos Tron ba ju khot Bah Jak Tron, ula jah ha Umran hadien ba u dang wan phai na Lawmali, Shillong ryngkat bad ka kiaw lem bad lai ngut ki paralok ban leit sha Ummar. Hynrei haba poi ha surok bah Umran, une u rangbah ula hiar na kali da ka jingthmu ban leit bar hynrei ula shu jah rngai bad khlem wan phai shuh.
Ki bahaiing haba ioh khubor ia ka jinglap ki Pulit ia ka met, kila leit mar mar sha Umsning Police Station bad lyngba ka SIM card mobile phone bad ki jain phong, ki bahaiing kila pynthikna ba u dei u Bah Carlos.
Haba kren sha ki lad pathai khubor, u bahaiing Bah Andreas Tron ula pynpaw ba ki bahaiing kim shym la don satia ia kano kano ka jingtharai ban don ba leh sniew ia une u rangbah hynrei ki suba ba u briew jong ki, ula iap na ka jingthngan ne na kano kano ka jingpang.
Ki bahaiing kila shimti noh ia ka shynrong jong utei u rangbah bad la rah noh sha shnong ban ioh pyndep ia ka lehniam leh rukom ba khatduh.
 jong u rangbah, na ka khlaw kaba don hajan ka 6th MLP Battalion, Umran Niangbyrnai, Ri-Bhoi.){kind=link}