Shillong, Nailur 09 : U Symbud Myntri Rangbah ka tnad kam Pohiing (Police) Bah Prestone Tynsong ha ka sngi Ba-ar, ula ong ba ka jingtalasi ki Sengbhalang ia ki kot ki sla ki nongbylla bar Jylla ka dei kaba pdiang, kino kino ki kam ba palat ia kata, kum ka jingbyrngem byrsit ne pynshitom bein, ka dei ka bym shah satia da ka ain.
“Hooid, nga la iohi ia bun ki kynhun Sengbhalang ba ki leit sha ki jaka trei bad talasi kot bad kila lap ruh ia ki nongbylla bar jylla ba kim don satia ia ki kot ki sla kiba donkam. Kane ka pyni kumba ki ong sngewbha leit ban shim bad wanrah shuwa ia ki kot ki sla, nga sngew kane ka biang. Hynrei lada kine ki kynhun ki iaid palat da kaba byrngem lane pynshitom, nga tharai ka ain kam shah” ong u Bah Prestone haba iakren bad ki nongthoh khubor haba jubab halor ka jingtalasi nongbylla bar jylla ki sengbhalang.
U Bah Prestone ula ong ba ka Sorkar ka pdiang ia ka jingwan ki nongbylla kiba wan nakiwei pat ki jylla sha Meghalaya hynrei ula ban jur ia ka jingdonkam ba kin hap ban don ia ki kot ki sla kiba donkam kat kum ka ain.
“Ka nongrim jong ka Sorkar ka long kaba shai. Mano mano ba pyrshang ban talasi ia ki kot ki sla jong ki paralok jong ngi lehse ki nongbylla ba wan na kiwei pat ki Jylla, ngi pdiang ia ki hynrei ki dei pat ban pynthikna ba ki don ia ki kot ki sla ba donkam kumba la buh da ka Ain na ka por sha ka por” ula bynrap.
 Bah Prestone Tynsong ha ka sngi Ba-ar, ula ong ba ka jingtalasi ki Sengbhalang ia ki kot ki sla ki nongbylla bar Jylla ka dei kaba pdiang, kino kino ki kam ba palat ia kata, kum ka jingbyrngem byrsit ne pynshitom bein, ka dei ka bym shah satia da ka ain.){kind=link}