Tura, Nailar 29 : U Myntri Rangbah ka Jylla Conrad K Sangma ha ka sngi Thohdieng, ula plie paidbah ia ka Civil Service Coaching & Training Centre jong ka A’chik Welfare Society (AWS), hapoh ka AB Krima No.IV, ha ka jingialang kaba la pynlong ha District Auditorium, Tura.
Haba ai jingkren, u Myntri Rangbah ula niew ia kane ka jingplie kum ka sngi ka ban sa kynmaw bad sah khana, haba pynpaw ba ki samla ki dei ki bor ba khlain bad ka spah jong ka Jylla Meghalaya. Ula pynpaw ba kumba 50% jong ki nongshongshnong ka Jylla ki dei kiba dang hapoh ka 20 snem, kaba pyni ia ka jingdonkam ban btin lynti ia ki samla ha ka lynti kaba dei.
U Myntri Rangbah ula pynshlur ia ki samla pule ba kin ngeit halade, haba ban jur ba ka jingjop ha ka eksam Civil Service kam shong eh tang na kaei ka longiing ba ki wan, hynrei ka shong eh ha ka jingngeit, ka jingtrei shitom bad jingim ba beit ba ryntih.
Ula kren ruh halor ka jingkongsan ban bud ia ki lynti kiba dei ha ka jingpynkhreh ia ki kesam, ban sam jingtip halor ki jing shem kumno ki leh haba mad ia ki jingtynjuh bad ki lynti ba ki shim ha ka jingpule jong ki.
Ha kane ka sngi, ka AWS kala aiti ruh ia artylli ki dorkas sha u Myntri Rangbah-kaba nyngkong ka kdew ia ki jingdonkam ban pynbiang ia ki jingtei bad ki tiar ki tar ban pyniaid ia ka coaching centre ba kynthup ia ki kamra klas, ki library bad ki tiar pule bad kaba ark a long ban buh ia ka rehabilitation centre ha Tura ban iarap ia ki samla bala ngop ha u droks.
Haba jubab halor kine ki dorkhas, u Myntri Rangbah ula kular ba ka Sorkar, hapoh ka DREAM project (Drug Rehabilitation, Elimination and Awareness Mission) kala dep ban mang T.15 klur ban kyrshan ia ki lad ai jingiarap na ka bynta ki nongdih droks ha kylleng ka Jylla. Ula pyntip ba ka Tnad Social Welfare kan sa ai ka jingiatreilang bad ka AWS ban pyntreikam ia ka rehabilitation centre ha Ri-lum Garo tang hapoh ka arbnai.
Kiwei pat kiba la ai jingkren ki kynthup ia u Lamphang ka Iingdorbar Thaw Ain Thomas A Sangma, u Deputy Commissioner ka West Garo Hills Vibhor Aggarwal bad kiwei kiwei.
, hapoh ka AB Krima No.IV, ha ka jingialang kaba la pynlong ha District Auditorium, Tura.){kind=link}