Itanagar, Nailar 23: U Lat ka jylla Arunachal Pradesh Lt Gen (Retd) K.T. Parnaik ha ka sngi Thohdieng u la khot ia ki rangbah nongialam niam (Lyngdoh) na ki jait bynriew trai ri ban iada bad pynneh pynsah ia ki jingleh tynrai kiba la rim bad ruh kiba la kynjoh da ki spah snem, katba dang pyniadei ia ki bad ki jingdonkam jong ka imlang sahlang ha kane ka juk ba mynta.
Haba ïakren bad ki Lyngdoh niam ha Raj Bhavan, u Parnaik u la ban jur ba ki jinglehniam ki dei ban long kiba don jingthmu, kiba ïadei bad ka saian, bad kiba pynmyntoi ïa ka imlang sahlang.
U la pynpaw ia ka jingdonkam ban buh jingthoh ia ki rukom leh niam tynrai na ka bynta ki pateng ban wan bad u la ai jingmut ban buh ia ka jaka ai jinghikai bad hikai kaba la pynlong kum ka tnat treikam na ka bynta ki jingngeit tynrai ha ka jylla.
U Lat u la kyntu ruh ia ki lyngdoh ban ialam ia ki shnong ki thaw jong ki sha ka jingim kaba iadei bad ka mariang, ban iada ia ki jingthaw ba im, bad ban pynroi ia ka rukom im kaba pynshong nongrim ha ka mariang.
 K.T. Parnaik ha ka sngi Thohdieng u la khot ia ki rangbah nongialam niam (Lyngdoh) na ki jait bynriew trai ri ban iada bad pynneh pynsah ia ki jingleh tynrai kiba la rim bad ruh kiba la kynjoh da ki spah snem, katba dang pyniadei ia ki bad ki jingdonkam jong ka imlang sahlang ha kane ka juk ba mynta.){kind=link}